HRUAITUTE PROGRAMME:
Executive Chairman Upa F. Lalremmawia chuan Mizoram UPC Day February ni 19 chu Headquarters kohhrante a hmanpui ang.
General Superintendent Rev. Ngurthanpara Sailo chuan Nilaini February ni 18 zan hianLengpui kohhrana rawngbawl tur atana General Crusade Fund hmanga rawih Tirhkoh Vanlalhmudika lakluhna inkhawm Lengpui kohhran Biak In ah a hmanpui dawn.
General Superintendent hian Mizoram UPC Day February ni 19 zan hian Bethlehem Vengthlang kohhranah a inkhawm dawn a, rawngbawlna a nei ang.
General Secretary Rev. C. Lalawmpuia chuan Mizoram UPC Day chu Chanmari West kohhrante a hmanpui ang a, Pathian biak inkhawmah thuhril rawngbawlna a nei ang.
General Secretary hi February ni 20 Zirtawpni hian Keifang Bial Missions Dept. inkhawmpui hmanpui turin a zin chhuak dawn a, inkhawmpuiah hian Speaker a ni dawn a, Pathianni zan thleng hian rawngbawlna a nei ang.
General Treasurer Rev. Rokhuma chuan Mizoram UPC Day chu Bawngkawn West kohhrante a hmanpui bawk ang.
Rev. Andrew L. Singson Secretary General Missions Department chu February ni 21 Inrinni hian Kawnpui Bial Missions Department inkhawmpui hmanpui turin a zin chhuak dawn a, inkhawmpuiah Speaker a ni ang.
Rev. Lalngaizuala Secretary General SS Dept. chuan Mizoram UPC Day February ni 19 zan hian Headquarters kohhran inkhawm telpuiin thuhril rawngbawlna a nei ang.
SS Secretary hian February ni 22 Pathianni hian Headquarters NPSS a inkhawmpui bawk ang.
Rev. Gospelthanga Secretary, Southern Zone chuan Mizoram UPC Day chu Lunglei Chanmari kohhrante a hmanpui dawn a, February ni 20 atanga hman tan tur Cheural bial inkhawmpui, Lungpher South kohhrana neihah Speaker a dawn a, ni 22 Pathianni zan thleng hian rawngbawlna a nei dawn a ni.
FOREIGN MISSIONS
Myanmar-ah member thar 44 Mizoram UPC ah lawmluh an ni.
February Ni 14 Inrinni chhun dar 11:00 khan Mizoram UPC General Headquarters Office Conference Hall-ah mi thar lawm luhna hun hi Video Conferencing hmanga neih a ni a, Myanmar Karen State-a Thandaung Township Free Church Pastor Lalthlamuana Ralte leh a enkawl member 44 te chu General Superintendent Rev. Ngurthanpara Sailo chuan Mizoram UPC ah a lawm lut a ni.
Mi thar lawmluhna inkhawm hi Foreign Missions Board Chairman Tirhkoh Lalramchhuanga’n a kaihruai a, Board Secretary Upa K. Lalsangzual’n report pe in, Puipa te leh Aizawl khawpui chhunga Pastor bakah Pensioner te chu he hunah hian an tel a ni.
Mi thar lawm luhna neih zawh a nih hnu hian Cambodia a Missionary hna thawk tur Christina Vanlalremruati tirhchhuahna hun General Suprintendent-in a nei bawk a, February ni 26, 2026 hian Cambodia panin a chhuak dawn a ni.
HYSSOP RECREATION CENTRE BOARD
Hyssop Recreation Centre Board chu February ni 17 Thawhlehni zan khan General Headquarters Office Committee Room-ah an ṭhu khawm a. Mizoram UPC General Superintendent Rev. Ngurthanpara Sailo leh General Secretary Rev. C. Lalawmpuiate chuan an hova, Upa Vanlaldinthara, Board Chairman-in he thutkhawm hi a kaihruai a ni. Tk. David Malsawmtluanga, Secretary-in kum 2025 chhunga hma lo lak tawh dan leh kum thar hmachhawp hrang hrang report a pe a, Board chuan Hyssop Recreation Centre pual a thawhlawm lakkhawm kawngah Bial hrang hrang ten hma an lak that avanga sum thahnem tak a tlingkhawm thei chu lawmawm an tih thu an sawi. Hyssop Recreation Centre Board chuan Mizoram Sorkar hnuaia Firm & Societies-a registration tihna tur atana Hyssop Recreation Centre Memorandum of Association (MOA) leh Rules duante chu uluk takin an thlir hova, siam ṭhat ngaite siam ṭhain meeting chuan a pawm a ni. Thahwlehni a thu khawm Hyssop Recreation Centre Board chuan registration bawhzui mek chu chak taka hma lak chhunzawm zel an rel bawk a ni.
