HRUAITUTE RAWNGBAWLNA
Executive Chairman Upa F. Lalremmawia chu February ni 27 Zirtawpni hian N. Khawlek Bial inkhawmpui hmanpui turin a zin chhuak. Executive Chairman hi nizan atang khan inkhawmpuiah hian Speaker a ni a, Pathianni zan thleng hian rawngbawlna a nei ang.
General Superintendent Rev. Ngurthanpara Sailo chu February ni 27 Zirtawpni hian Barak Valley Bial inkhawmpui leh Bial Silver Jubilee lawmpuina hmanpui turin a zin chhuak a, vawiin Inrinni hian Silver Jubilee Lungphun a hawng ang.
General Superintendent hi March ni 2 Thahwtanni hian Aizawl a lo let leh dawn a ni.
General Secretary Rev C. Lalawmpuia chu Vairengte bial tlawhin February ni 27 Zirtawpni hian a zin chhuak a, vawiin Inrinni hian Kawngthar kohhrana Pathian chawimawina ah Speaker a ni ang.
General Secretary hi Pathianni thleng Vairengte Bial ah hian a cham dawn a ni.
Upa Lalzirliana, Chairman General Missions Dept chu February ni 28 Inrinni hian Mamit Bial Pastor Quarters leh Kawrthah Bial Pastor Quarters sak mek a hmun a enfiah turin Planning & Financial Board tirhin a zin chhuak a. Pathianni hian Kawrthah ah a cham ang a, March ni 2 Thawhtanni khian Aizawl a lo let leh ang.
Rev. Andrew L. Singson Secretary General Missions Dept chuan February ni 27 Zirtawp zan atang hian Bethlehem Bial Mission Dept inkhawmpuiah Speaker a ni a, Pathianni zan thleng hian rawngbawlna a nei ang.
Rev. Lalngaizuala Secretary, General SS Dept. chu Kolasib Diakkawn bial PYD inkhawmpui hmanpui turin February ni 27 Zirtawpni hian a zin chhuak dawn a, nizan atangin inkhawmpuiah hian rawngbawlna a nei a, Pathianni thleng a cham ang.
Revival Board
Mizoram UPC Revival Board-in rawngbawl tur atana Revival Team, a din te pualin February ni 25, Nilaini khan Mizoram UPC General Headquarters Office Conference Hall Zonuam ah Training neih a ni a, Rev. Ngurthanpara Sailo, General Superintendent in he hun hi a kaihruai a, General Secretary Rev. C. Lalawmpuia’n Revival Team-te inhmelhriattirna neiin, he hunah hian Revival Board Member-te nen in fuih tharna hun hlawk takin an hmang a ni.
February ni 25, Nilaini vek hian zan lamah revival team-te tirhchhuahna inkhawm Chawlhhmun kohhran Biak In ah hman zui a ni a,
General Secretary Rev. C. Lalawmpuia’n inkhawm a kaihruai a, General Treasurer Rev. Rokhuma’n Revival Team-te inhmelhriattirna a nei a, Pathian thcuhah leh fuihna thu Rev. Ngurthanpara Sailo, General Superintendent hnen atangin ngaihthlak a ni.
Revival Team tirhchhuah inkhawmah hian Chawlhhmun PYD ten fakna hla an sa a, General level Dept/Board hruaitute leh Aizawl khawpui chhunga Pastor leh member thahnem takin he hun hi an telpui a ni.
Mizoram UPC hnuaiah hian Revival team 7 an awm mek a, heng hmunah te hian rawngbawl tur a tirchhhuah an ni.
1. Ebenezer Revival Team
Speaker - Tk. Emmanuel Lalthianghlima, rawngbawlna hmun tur Bualpui H, Thingsai Bial
2. Joshua Revival Team
Speaker - Tk. Lalmuansanga, rawngbawlna hmun tur Dinthar, Dinthar Bial
3. Petera Revival Team
Speaker - Tk. Emmanuel Ramtharnghaka, rawngbawlna hmun tur Bazar, Bazar Bial
4. Nehemia Revival Team
Speaker - Tk. Vanlalruala, Tlangpui, rawngbawlna hmun tur Sialhawk, Khawhai Bial
5. Samsona Revival Team
Speaker - Tk. B Lalsawma, rawngbawlna hmun tur Nghalchawm, Sairang Bial
6. Ruthi Revival Team
Speaker - Lalrinchhuangi Hnamte, rawngbawlna hmun tur Falkland, Zemabawk Bial
7. Jeptha Revival Team
Speaker - Tk. Michael Lalramchhana, rawngbawlna hmun tur Chanmari West, Chaltlang Bialah te a ni dawn a ni.
Revival Team-te hi rawngbawl tura sawm theih reng an ni a, Revival team dil duhte chuan Bialtu Pastor hriatpuinain Puipate hnenah dilna thlen thin tur a ni.
