HRUAITUTE PROGRAMME:
Executive Chairman Upa F. Lalremmawia chuan March ni 8 Pathianni hian Project 2030 pual chaw nghei tawngtai Heaquarters kohhran a hmanpui dawn a, zan inkhawmah thuhril rawngbawlna a nei ang.
General Superintendent Rev. Ngurthanpara Sailo chuan March ni 7 Inrinni zan atang hian Reiek Bial Missions Dept. inkhawmpui Chungtlang kohhranah a hmanpui dawn a, Pathianni zan thleng hian thuhril rawngbawlna a nei dawn a ni.
General Secretary Rev. C. Lalawmpuia chu Lunglei Rahsiveng Bial tlawhin a zin chhuak a, Inrinni zan hian Ramthar kohhranah hun a hmang ang a, Pathianni chhunah Rahsiveng kohhranah inkhawmin zan lamah Vanhne kohhrante a tlawh bawk ang.
General Secretary hi March ni 9 Thawhtanni hian Aizawl a lo let ang.
Upa Lalzirliana Chairman General Missions Dept. chu Central India Area tlawhin March ni 6 Zirtawpni khan a zin chhuak.
March ni 8 Pathianni hmang hian Delhi Field-a tlawh ang a, a cham chhung hian Agra Field, UP leh Uttrakhand Field-te a tlawh ang.
Upa Lalzirliana hi March ni 13 Zirtawpni ah Aizawl a lo let leh dawn a ni.
Rev. Andrew L. Singson chuan March ni 8, 2nd Sunday chu Zemabawk North kohhran te a hmanpui ang.
GENERAL PYD
General PYD Executive Board meeting chu February ni 27 ( Zirtawpni) khan Ramhlun South Kohhran-Biak In ah neih a ni a. Upa Dr Zonunmawia, President in a kaihruai a,
Kum 2026 chhunga bial hrang hrang te joint revival hmanpui dan turte sawihoin ruahmanna an siam.
Thenzawl Bial PYD inkhawmpui hmanpui tura sawmna, kum 2025 PYD General Inkhawmpui in a lo rel tawh Inkaihhruaina bu ennawn chungchang te, General PYD hnuaia Committee peng te hmalakna leh report leh țul pawimawh hrang hrang te chu General PYD Executive Board meeting-ah hian thu rel langsar zualte an ni.
RAMTHAR AREA
Ramthar Area, Superintendent Rev. Andrew L. Singson, Gen. Mission Secretary atan ruat a nih tak avangin a aiawh thlanna February ni 28 (Inrinni) khan Rev. Ngurthanpara Sailo, Gen.Superintendent kaihhruaina hnuaiah kum khat chhung atan Rev. Lienkholal Singson (Haflong Bialtu Pastor) chu Area Superintendent atan thlan thar a ni.
Ramthar Area Inkhawmpuiah hian kumin atangin Area chhunga Kohran hruaitu zawng zawngte pualin Leadership and Administration Seminar neih an rel a, Puipa te Resource Person an ni.
Sub Office Lunglei
Mizoram UPC Sub Office Lunglei a thawktu lakna, March ni 6 Zirtawpni hian General Secretary Rev. C. Lalawmpuia hova neih a ni a, Lalruatpuii Lianhna chu lak a ni.
Office Assistant Grade III (Jr) Muster Roll lakna Personal Interview-ah hian Southern Zone Secretary Rev. Gospelthanga, Lunglei Area OB 4 te leh Pastor R. Lalchhuanmawia te chuan diltute Personal Interview an neihpui a, diltu 6 zingah Lalruatpuii Lianhna, d/o Lalengzami, Ramthar, Lunglei South Bial chu lak a ni.
NEPAL FIELD
Mizoram UPC Foreign Missions Field Nepal hmunah mi thar lawm luh an ni.
February ni 28 Inrinni khan Nepal Field ah hian member thar 5 (Chhungkaw hnih te chu) Nepal Field Pastor K.Vanlalhmangaiha’n Lalpa Isua hminga sual ngaihdamna Baptisma chan tirin Kalkate Kohhran a lawi turin Mizoram UPC ah a lawm lut.
Nepal Field-ah hian Missionary Noela hmalakna leh kohhran hote tawngtaina avangin mi thar lawm luh mek zel an ni.
