United Pentecostal Church
of Mizoram

HRUAITUTE PROGRAMME

General Superintendent rev. Ngurthanpara Sailo chu March ni 13 Zirtawpni hian Lungpho Bial inkhawmpui hmanpui turin Hmunzawl panin a zin chhuak dawn. Zirtawp zan atang hian Lungpho Bial inkhawmpuiah hian Speaker a ni dawn a, Thawhtanni March ni 16 a Pathian chawimawina hman turah rawngbawlna a neih chhunzawm ang.

Upa Lalnuntluanga Sailo Chairman, General SS Dept. chuan Sairang Bial SS Dept. inkhawmpui March ni 14&15 Pathianni hmanga Sairang headquarters Biak In a neih tur chu a hmanpui dawn a. General SS EBM Upa K. Rosangzuala’n a tawiawm ang.

Rev. Lalngaizuala Secretary, General SS Dept. chu march ni 13 Zirtawp zan atang hiam Aibawk Bial PYD inkhawmpui Falkawn kohhrana neihah speaker a ni dawn a, Pathianni zan thleng hian rawngbawlna a nei ang.

GENERAL PYD & L&PB JOINT MEETING

General PYD leh L&PB te chuan March ni 10 (Thawhlehni) khan Joint meeting, General Headquarters Office Committee room-ah an nei a, Rev C. Lalawmpuia, General Secretary chuan a telpui, Joint meeting chuan Kumin a ‘Thu leh hla kutpui’ neih dan tur leh hmalak chhoh dan turte an sawihova, hmalakna hmasa atan Organising Committee an din a, hruaitu turte an ruat nghal a ni. ‘Kum 2026 Thu leh hla kutpui’ Organising Committee hruaitu atan General PYD hruaitu atangin ruat an ni a, Chairman-ah T. Upa Mesak Vanlalthlana, Secretary General PYD Secretary-ah – T. Upa Gideon Vanlalhnehsaka Treasurer-ah – Malsawmkimi, EBM GPYD te an ni a, member atan mi 16 ruat an ni bawk a ni.

Hmarchhak Area

Hmarchhak Area chuan Revival Team tirhchhuah inkhawm a buatsaih. March Ni 8 Pathian chawhnu Dar 1:30 khan Hmarchhak Area Revival Board chuan an Area chhunga Revival team Pahnih, Hodos Revival team leh Matthia Revival team- te tirhchhuah programme Bawngkawn kohhran Biak In ah a buatsaih a, Revival board Chairman Rev.HV.Lalzamlova’n inkhawm a kaihruai a, Upa H.Vanlaldika Revival board Secretary-in Reivival team te in hmel hriattirna neiin, report a pe a. Revival team te tirhchhuah programme ah hian Rebeck Vanlalnunpuii leh Baby Lalrinawmi te chuan zai rawngbawlna an nei bawk a ni. Hmarchhak Area Superintendent Rev.PB Lalhmuliana hnen atangin Pathian thuchah leh fuihna thu ngaihthlak a ni a, he hun hmanpuitu hi Area chhung atangin an thahnem hle a ni.