HRUAITUTE RAWNGBAWLNA:
General Superintendent Rev Ngurthanpara Sailo chu Manipur Area tlawhin a zin chhuak a.
General Missions Dept. Secretary Rev. Andrew L. Singson chuan a tawiawm.
General Superintendent zin chhuak hi March ni 30 Thawhtanni khian Aizawl a lo let leh ang.
General Secretary Rev. C. Lalawmpuia chuan Durtlang Bial inkhawmpui March ni 29 Pathianni hmanga neih tur chu a hmanpui dawn a, Pathianni zan inkhawmah thuhril rawngbawlna a nei dawn a ni.
General Treasurer Rev. Rokhuma chu March ni 27 Zirtawpni hian Khawlailung kohhran Biak In hlanna nei turin a zin chhuak a. Pathianni hmanga N. Vanlaiphai Bial inkhawmpui awm tur chu a hmanpui bawk ang.
General Treasurer hi march ni 30 Thawhtanni hian Aizawl a lo let leh dawn a ni.
Rev. Lalngaizuala, Secretary General SS Dept chu March ni 28 Inrinni hian Champhai Zote kohhran Pentecost Naupang pual hmanpui turin a zin chhuak. SS Secretary hi Pathianni thleng a cham ang.
General SS Dept.
General SS Dept. Executive Board thutkhawm vawi 211-na chu March ni 26, Ningani zan khan General SS Secretary Quarter’s Tuikhuahtlangah neih a ni a, Mizoram UPC Puipate aṭangin upa F. Lalremmawia Executive Chairman chuan a ho a ni.
He meeting hi Upa Lalnuntluanga Sailo, chairman Gen SS dept chuan kaihruaiin, Secretary Rev. Lalngaizuala hnen aṭangin ro rel bawhzui tawhna hrang hrang leh hmalak mekte report ngaihthlak a ni a, Treasurer C. Lalbiakhluni’n Financial report a pe bawk a ni.
General SS Dept Executive Board thutkhawmah hian Consultative committee secretary upa H. Lalremruata hnen aṭangin Naupang dept tin te zirlaibu a thar buatsaih tura hmalak a nih tawh dan te ngaihthlak a ni bawk.
General SS Executive Board chuan
Kum 2027 naupang chawhnu inkhawm zir tur chungchang an ngaihtuah a,
Beginner aṭanga Junior Dept zir tur chu a bu thar siam an rel a, buatsaih turin upa F. Vanlalchama EBM chu an ruat.
Intermediate aṭanga doctrine Dept chahwnu zirbu atan Rev. C. Lalremsanga ziak a bu awm sa chu zir leh tur a ni dawn a,
Kum 2027 hian Naupang Dept tin te chuan kum I-na, 2024 edition zir tur a ni ang.
Kumin chhunga Doctrine Dept. pual Quiz competition buatsaih an rel bawk a, hruaitu atan
Chairman-ah Rev. Lalngaizuala, Gen SS secy
Secretary-ah, Upa F. Vanlalchama, EBM
Treasurer-ah Upa K. Rosangzuala EBM te an ruat a ni.
General SS Dept Executive Board chuan Kumin 2026 SS puitling leh naupang SS exam question siamtu tur a ruat fel a,
Aizawl khawpui chhung Bial SS hruaitute leh tualchhung tin SS board hruaitute nen SS hmasawnna tur ngaihtuaha inkawmhona hun buatsaih a rel bakah
SS hall sak ṭanpuina diltu kohhran 25 te hnenah tanpuina pek an remti bawk a ni.
General SS Dept Executive Board thutkhawmah hian Kum 2025 a bial 35 in budget an khum thu leh, bial 44 ten an tlin thute, budget tlin lo bial an awm thute tarlan a ni a, General SS Dept chuan Bial tinte chungah lawmthu an sawi a ni.
Education Board
Mizoram UPC Education Board chu March ni 26 Ningani khan General Headquarters Office Committee room-ah a Vawi 29 nan an thu khawm a. BEREMS Sihhmui a thawk tur zirtirtu lakna personal interview neih a ni.
Education Board chuan Zirtirtu lakna Written leh Personal Interview a buatsaih hmanga diltuten mark an hmuh leh an performance thlirin heng mi pahnih, Zonunsangi, a pa Lalrinawma (Sairang) leh Lalnunzira a pa P. Lalthanmawia (Vanchengpui) te chu a thlang a.
April ni 1, 2026 atanga hna hi tan thei tura beisei an ni.
