United Pentecostal Church
of Mizoram

Hruaitute Rawngbawlna:

Executive Chairman

Mizoram UPC Executive Chairman-in mi thar 26 a lawmlut.

April ni 5, Easter Sunday chawhma inkhawmah Siaha bial chhunga New Siaha East 2 kohhran a lawi turin mi thar 26, chhungkaw 5 a mite chu pawl dang atangin Upa F. Lalremmawia, Executive Chairman chuan Mizoram UPC ah a lawm lut a, an zingah hian an khaipa Pastor pakhat a tel a ni. Siaha Bial chhungah hian bialtu Pastor leh Bial chhunga rawngbawltu ten Project 2030 chak tak a bawhzuiin, tuna mi thar lawmluh tak te pawh hi he rawngbawlna kal zel hi a ni a, he ti hian Siaha Bial chhungah kumin a mi thar lawm luh tawh zat chu mi 58 an ni. Upa F. Lalremmawia, Executive Chairman hian Good Friday Programme chu Siaha bial chhung a tualchhung kohhran hrang hrangte a hmanpui a, New Siaha East 2 kohhranah hian General Revival team Ebenezer Revival Team te chuan rawngbawlna an neih chhunzawm a ni.

Mizoram UPC Executive Chairman Upa F. Lalremmawia chu April ni 11 Inrinni zan hian Dinthar kohhranah a inkhawm dawn a, Project 2030 pual campaign a nei ang.

General Superintendent

General Superintendent Rev. Ngurthanpara Sailo chu April ni 11 Inrinni hian Hnahthial Bial inkhawmpui hmanpui turin a zin chhuak a, Pathianni thleng a cham ang a, April ni 13 Thawhtanni hian Aizawl a lo let leh dawn a ni.

General Sunday School Department

#Upa Lalnuntluanga Sailo Secretary, General SS Dept. chu April ni 11 Inrinni hian Bairabi Bial SS Seminar neih pui turin a zin chhuak a, Upa F. Vanlalchama EBM in a tawiawm. General SS Dept hruaitu zin chhuakte hi April ni 13 Thawhtanni hian Aizawl an lo let leh ang.

#General sunday school department secretary-in Tlangpui NPSS Pentecost naupang pual a hmanpui.

April ni 5 Pathianni khan Khawhai Bial, Tlangpui Biak in ah Tlangpui Kohhran Sunday School Department buatsaihin Pentecost Naupang Pual Programme hman a ni a, he hun hi Rev. Lalngaizuala, General Sunday School Department Secretary chuan a hmanpui a, Malsawmdawngliani leh Lalthlamuani, Bungkawn te chuan an ṭawiawm a ni. Rev. Lalngaizuala hian Tlangpui kohhrante hi Inrinni zan aṭangin Revival inkhawm a hmanpui bawk a, Pathianni zan thleng khan revival inkhawmah hian Speaker a ni.

#Rev. Gospelthanga Secretary, Southern Zone chu April ni 11 Inrinni hian Diltlang South Bial elh Vathuampui Bial tlawh turin a zin chhuak a, Upa C. Tialvunga Lawngtlai Area Chairman chuan a tawiawm. Southern Zone Secretary zin chhuak hi April ni 18 ah Lunglei a let leh dawn a ni.

General SS Dept.

Gen SS Department hnuaia Consultative Committee chuan April ni 5 (Thawhtanni) khan a vawi-2 nan an thu khawm a, kum 2028 atana NPSS zirlaibu chungchang chu an thu rel langsar zual a ni. General SS Dept. Consultative Committee chuan kum 2028 atana NPSSD Beginners atanga Doctrine Department Zirlaibu tur Syllabus an duang fel a, Zirlaibu buatsaihtu turte pawh an ruat fel. Consultative Committee ruahmanna ang chuan Zirlaibu Bu 1-na hi kum 2026 chhunga ziah zawh tur a ni a, Bu-2na pawh kum 2027 July thla ral hma a ziah zawh hman tur a buatsaih an rel bawk a ni.

Revival Board

General Headquarters Revival Board hnuaia REVIVAL TEAM dil duhte tan a hriat tur.

1. Revival Team dil duh tan dilna hi General Secretary, Mizoram UPC hnenah ziaka theh luh tur a ni.

2. Team duh zawng thlan theih a ni lo va. Puipa rem ruatna angin a dilte hnenah team remchang apiang pek thin an ni ang.

3. Revival Team-te rawng an bawlna tualchhung/bial ten a tul ang zelin an mamawh an ngaihtuah sak thin tur a ni.

L&PB