United Pentecostal Church
of Mizoram

Hruaitute Programme:

General Superintendent

General Superintendent Rev. Ngurthanpara Sailo chu April ni 17 Zirtawp zan atang hian Bethlehem Bial inkhawmpuiah Speaker a ni dawn a, Pathianni zan thleng hian rawngbawlna a nei dawn a ni.

General Secretary

General Secretary Rev. C. Lalawmpuia chu Kawnpui Bial inkhawmpui Khamrang hmuna hmanpui turin April ni 17 Zirtawpni hian a zin chhuak a, zanin atangin Pathian biak inkhawmah Speaker a ni ang a, Pathianni zan thleng hian rawngbawlna a nei ang.

General Treasurer

General Treasurer Rev. Rokhuma chu April ni 17 Zirtawpni hian Niawhtlang Bial leh Siaha Bial tlawh turin a zin chhuak a. General Treasurer hi April ni 21 Thawhlehni khian Aizawl a lo let leh dawn a ni.

Gen SS

Rev. Lalngaizuala Secretary, General SS Dept chuan April ni 17 Zirtawp zan atang hian Headquarters kohhrana Pathian chawimawina ah Speaker a ni dawn a, Pathianni zan thleng hian Headquarters kohhranah thuhril rawngbawlna a nei ang.

Secretary, Southern Zone

April Ni 11 leh 12 Pathianni hmang khan Southern Zone Secretary Rev Gospelthanga chuan Diltlang South bial a tlawh a, Khawmawi kohhranah inrinni zan atanga Pathianni zan thleng rawngbawlna a nei. Southern Zone Secretary hi Lawngtlai Area Chairman Upa C . Tialvungan a tawiawm a ni. Diltlang South bial chhungah hian Josua Revival Team te chuan rawng an bawl mek a, Rev. Gosplethanga programme hi an tawiawm bawk a ni. Southern Zone Secretary Rev. Gospelthanga hian Hmunnuam leh Bungtlang South a Pastor Quarters sak mekte chu a hmunah kalin a enfiah bawk a ni.

#Rev. Gospelthanga Secretary Southern Zone chuan April ni 19 Pathianni hmanga Ramthar kohhran a Lunglei South bial Missions inkhawm pui neih tur chu a hmanpui ang.

AC&PC

Mizoram UPC Assembly Centre & Pandal Structure Committee chu April ni 16 Ningani khan General Headquarters Office Committee Room-ah an thu khawm a, Assembly Centre hmunhma thawm that dan tur chu an thu rel tlangpui a ni. AC&PC chuan General Assembly neih hma a Assembly centre sam fai vek an rel a, Centre chhunga ram awl lai leh remchang lai ah thing mawi chi leh nungcha te tana rah tlan chi thing thahnem tak phun an rel bawk. Centre hmunhmate a theih anga chei thatte leh Mipa zunin thawhm thatte chu Centre Committee thutkhawm ro rel langsar zualte an ni.

# Kum 2025 atanga sak tan Mizoram UPC Assembly Hall, mipui sangthum zaruk leng tur a duan, chhawng 11 a sang tur chu chak taka sak mek zel a ni a, kum 2026 General Assembly Centre-ah neih ngei anih theih nan AC&PC chuan hma a la mek zel a ni.

General PYD

Social Wing Committee, General PYD bul tumin April ni 11 Inrinni khan Chite lui then fai hnatlang neih a ni.

Chite Veng Inpui kawtah hnatlang hlanna inkhawm tawi neih hmasak a ni a, Lalnunpuia Pachuau, Chairman, Social Wing Committee chuan he hun hi a kaihruai a, T.Upa Vk Lalmalsawma, Vice Chairman chuan hunserh hmangin F.Lallawmzuala, Secretary-in report a pe a ni. Chite lui then fai hnatlangah hian mi 100 bawr vel an thawk chhuak a, Bazar Bial PYD, Bethlehem Bial PYD, Bawngkawn Bial PYD leh Ainawn Veng PYD bakah Oneness Royal Enfield Riders te hnatlangah hian an thawk chhuak a ni.

ATI

Mizoram UPC Bible zirna Apostolic Theological Institute Third year zirlai te chuan April ni 9-14 chhung khan Kolkatta-ah Study Tour an nei a, Dean Rev. B. Lalchhanhima hovin zirlai 19 Study Tour-ah hian an kal a April ni 10 khan Kolkatta an thleng a ni.

Pathianni ah Kolkatta kohhrante inkhawmpuiin Mizo Section inkhawmah ATI Zirlai President David Vanlalruatkima’n thuhril rawngbawlna a nei a, tlai dar 5 bawr velah non mizo te nen Pathian biak inkhawm nei ho velehin Dean Rev. B. Lalchhanhima hnen atangin Pathian thu ngaihthlak a ni. ATI Third Year zirlai te hian Study Tour an neih chhung hian Kolkata a hmun hmingthang leh pawimawhte an tlawh a, Kolkatta kohhran hnenah ngaihhruina thil pek atan Rs. 5,000 ATI Third Year zirlaite hian an pe bawk a ni. April ni 14 Thawhlehni khan ATI zirlai Study tour-a kalte hi Aizawl panin a let leh a, a tuk ni 15 zan khan ATI Campus tluang takin an thleng leh ta a ni. # ATI chuan May ni 4-8 chhung hian First Terminal Exam a buatsaih dawn a, tunlai hian zirlai naupangte pawhin zirna kawngah theih tawp an chhuah mek zel a ni. ATI Board hmalakna in Staff Quarters, Chowkider Quarters leh Library Building tur sak tum mek a ni a, AMC ah lei laih phalna an hmu tawh a, hei hi kumin a ATI hmalakna lian zual a ni.