HRUAITUTE PROGRAMME:
Gen.Superintendent
General Superintendent Rev. Ngurthanpara Sailo chu Hnahlan Bial inkhawmpui, Hnahlan hmuna neih tur hmanpui turin Ningani khan a zin chhuak a, Champhai ah zan khat riakin, Champhai Vengsang biak in hmun, lung rem chim a hmunah a tlawh a, Vengthar Kohhran leh New Champhai Kohhrante a tlawh bawk.
Ningani zan khan Pastor Quarter ’s-ah Champhai bial hruaitute nen inkawmhona an nei a, Zirtawpni hian Hnahlan a pan leh a ni.
General Superintendent hian Zirtawp zan atang hian Hnahlan Bial inkhawmpuiah hian thuhril rawngbawlna a nei dawn a, Thawhṭanni ah Aizawl a lo let dawn a ni.
General Secretary
General Secretary Rev. C. Lalawmpuia chu Khawzawl Vengthar Bial Seminar cum revival hmanpui turin April ni 25 Inrinni hian a zin chhuak dawn. Thawhtanni ah Aizawl a lo let leh dawn a ni.
General Treasurer
General Treasurer, Rev. Rokhuma chuan Niawhtlang kohhran leh Siaha Bial chhunga Phura kohhran te April ni 19 Pathianni hmang khan a tlawh a, Pathianni chawhma inkhawmah Member thar pali (chhungkaw khat) te chu Phura kohhran a lawi turin Mizoram UPC ah a lawmlut.
General Treasurer hian a zin chhung hian, fa nei tam lawmman Upa Muana Phura kohhran Treasurer-te chhungkaw hnenah Rs. 5000/- a hlan bawk. Upa Muana te nupa hian fa pasarih an nei a ni.
Kum 2025 General Assembly chuan fa nei tamte hnenah lamwpuina sum pek a lo rel tawh a, fa pasarih leh a ai a tam neite hnenah Rs. 5000/- lawmpuina General Headquarters hminga pek thin a ni.
General Treasurer Rev. Rokhuma chu Kawnpui venglai kohhrana Pathian chawimawina hmanpui turin April ni 24 Zirtawpni hian a zin chhuak a, Pathianni thleng a cham ang.
Gen Missions Dept.
Rev. Andrew L. Singson Secretary, General Missions Dept. chu April ni 24 Zirtawpni hian Rengkai Bial inkhawmpui hmanpui turin a zin chhuak.
General Missions Dept. Secretary hian zanin atangin inkhawmpuiah hian thuhril rawngbawlna a nei dawn a, Thawhtanni khian Aizawl a lo let leh dawn a ni.
Gen SS Dept.
Rev. Lalngaizuala Secretary, Gen SS Dept. chu Haflong Bial Muolhoi kohhrante, Pentecost Naupang pual hmanpui turin Inrinni hian a zin chhuak bawk ang.
Souttern Zone
Rev. Gospelthanga Secretary Southern Zone chu April ni 25 Inrinni hian Thangpui tlawhin a zin chhuak dawn a, Pathianni a cham ang. Southern Zone Secretary hi Lunglei South Bialtu Pastor-in a tawiawm dawn a ni.
Gen SS Dept
Genenral SS Dept. chuan Doctrine Department pualin Quiz Competition Season 2-na kumin chhung hian a buatsaih leh dawn.
April Ni 21 Thawhlehni zan khan Doctrine Quiz Competition Committee chu Gen SS secretary qrts-ah an thu khawm a, Doctrine Quiz kalpui dan turte an sawihova, hetiang hian ruahmanna an siam.
Doctrine Quiz Competition-ah hian Tualchhung kohhran hminga in elna neih tur a ni dawn a, kohhran pakhatah team khat zel tel theih a ni ang a, team khatah member pahnih an awm tur a ni.
Quiz hi Doctrine Department zirlaibu, kum hnihna, Rev. Thangliansanga ziah, kumin 2026-a zirlaibu atang hian neih tur a ni.
Genenral SS Dept chuan Doctrine Quiz neih hun atan kum 2026 Ber thla an ruahman a, a ni leh thla erawh hriattirna la chhuah leh tur a ni.
#
General SS Dept. buatsaihin SS hmasawnna tur ngaihtuaha inkawm hona neih a ni dawn.
April ni 30 Ningani zan dar 7 a tan turin Aizawl khawpui chhunga bial tin SS hruaitute leh, tualchhung tin SS board hruaitute nen Gen SS chuan SS hmasawnna tur ngaihtuaha inkawm hona, Gen Hqrs office, Conference hall ah a buatsaih dawn a,
He hun hi Upa Lalnuntluanga Sailo, Chairman Gen SS Dept chuan a kaihruai ang a, report tawi Rev. Lalngaizuala Secy Gen SS Dept hnen atangin ngiahthlak a ni ang.
SS hmasawnna tur sawihona hunah hian sawm bikte chu ngaipawimawha tel kim theuh turin Gen SS chuan a ngen a ni.
General PYD
General PYD Social Wing Committee chuan Mualthuam North PYD te Revival, Retreat leh Seminar an hmanpui.
April ni 18 leh ni 19 chhung khan Social Wing Committee, General PYD chuan Mualṭhuam North PYD sawmna bawhzuiin Revival,Retreat leh Seminar an neih pui a. Social Wing Committee atangin member 8 an kal.
Inrinni chhunah Dilpui, Thenzawlah Retreat an nei a, V. Lalrozawna, President, Mualthuam North PYD chuan kaihruaiin Active Member an tam leh zual theih nan tawngtaina an nei a, ‘Hruaitute leh Member te mawhphurhna’ tih hmangin Lallawmsanga, Member, SWC chuan zirtirna a pe a ni.
Inrinni zan atangin Revival an hmang a, K. Vanlalhriatpuii, Asst.Secretary, SWC chuan inhmelhriattirna neiin K. Ramnunsanga, Member, SWC hnen atangin Pathian thuchah ngaihthlak a ni a, Ely VL Hmangaihsangi, Mualthuam North PYD chuan zai rawngbawlna a nei bawk a ni.
Pathianni chawhmaah T. Upa Rosangzuala, Member, SWC chuan Pathian thuchah sawiin, Immanuel Ramengmawia, Mualthuam North PYD hnen atangin fakna hla mawi tak ngaihthlak a ni.
Pathianni chawhnuah Seminar an nei a, C.Vanlalnghaka, Vice President, Mualthuam North PYD chuan inkhawm a kaihruai a, Josephine Lalrinpuiii, Member, SWC chuan tawngtaina neiin Lalkhawngaiha, Member, SWC chuan ‘Sex Awareness’ thupui hmangin zirtirna a pe a ni.
Pathianni zanah T.Upa VK Lalmalsawma, Vice President, SWC chuan Pathian thuchah sawi velehin Ramfangzauva, Mualthuam North PYD in fakna hla a sa a,
Pathian thlarau awmpuina hnuaiah he hun hi hlim takain an hmang zo a ni.
Hmarchhak Area
Hmarchhak Area hnuaia Revival team-te rawngbawlna hmun siksawi thar a ni.
HODOS Revival Team, Sakawrdai bial Mauchar kohhran a an rawngbawl hun chhung bituk a lo zawh tak avangin April Ni 20 .April 2026 Thawhtan zan khan Mauchar Kohhran ten thlahna hun an hmang a, a tuk Ni 21 Thawhleh zan atang khan Sakawrdai Hmar veng Kohhranah rawngbawlna an nei tan leh nghal a ni.
Matthia Revival Team, Zemabawk Dinthar Kohhrana rawihte pawh an awm hun chhung tur a zawh tak avangin, Zemabawk bial an chhuah san a.
April Ni 24 Inrinni zan atang khan Darlawn Kohhrana rawngbawlna nei turin Darlawn Bial an lut leh nghal a ni.
