United Pentecostal Church
of Mizoram

HRUAITUTE PROGRAMME

General Superintendent Rev. Ngurthanpara Sailo chu May ni 2 Inrinni hian Sakawrdai Bial inkhawmpui hmanpui turin a zin chhuak dawn a. Inrinni zan atang hian Inkhawmpuiah Speaker a ni ang. General Superintendent hi Thawhtanni hian Aizawl a lo let leh dawn a ni.

Rev. Lalngaizuala Secretary General SS Dept chuan Bungkawn bial SS Dept. buatsaih, naupang pual lang camp ni 2 awh vawiin Zirtawpni chhun atanga hman tanah rawngbawlna a nei a, naktuk Inrinni nilengin Camping-ah hian rawngbawlna a neih chhunzawm ang. Inrinni aṭanga Pathianni zan thleng hian Bungkawn Bial SS revival inkhawmah thuril rawngbawlna a neih chhunzawm bawk ang.

Rev. Andrew L. Singson Secretary General Missions Dept. chu May ni 1 Zirtawpni hian Siaha Bial Missions Dept. inkhawmpui hmanpui turin a zin chhuak a. Zanin atang hian inkhamwpuiah hian thuhril rawngbawlna a nei ang. General Missions Secretary hi May ni 4 Thawhtanni khian Aizawl a lo let leh dawn a ni.

Southern Zone Secretary Rev. Gospelthanga Secretary, Southern Zone chuan May ni 1 Zirtawp zan atang hian Lunglei South bial inkhawmpui Lunglawn kohhrana nghah chu a hmanpui dawn a ni.

General SS Dept.

General SS Dept. buatsaihin Sunday School hmasawnna tur ngaihtuah a inkawm hona neih a ni.

April ni 30 Ningani zan khan General Headquarters Office Conference Hall, Zonuamah Aizawl khawpui chhunga, Bial hrang hrang Sunday School Department leh Tualchhung Sunday School Board hruaitute pualin Sunday School hmasawnna tur atana inkawm hona neih a ni a, Aizawl khawpui chhung aṭangin Bial leh Tualchhung Sunday School hruaitu he hunah hian an kal tha hle a ni. SS hmasawnna tur lam hawi inkawm khawmna hun hi Upa Lalnuntluanga Sailo, Chairman General Sunday School Department chuan a kaihruaia, Rev. Lalngaizuala, Secretary General Sunday School Department -in report a pe a ni. He hun hi Mizoram UPC Puipa ten an ho bawk a, inkawm hona hun hi Rev. Ngurthanpara Sailo, General Superintendent chuan Pathian hnenah hlanin hunserh a hmang a, General Sunday School Department buatsaih, Kristian Naupangte tih hla, Animation a siam chu a tlangzarh nghal a ni. SS hmasawnna tur lam hawi inkawmhona ah hian thupui pali thlan chhuah bakah mipui lam atanga rawtna awmte ngaihthlak a ni a, SS hming ziak tun aia kan tam lehzual theih na turte leh PTSS nuam leh hlawk zawka kalpui dan tur rawtnate chu he huna kal mipui te atanga sawi tam ber a ni a. Sunday School hmasawnna tur pawimawh tak tak rawtna awmte hi, ro relna sang zawk a thlen leh turte an ni.

Bethani Childrens Home

Bethani Children’s Home Society Board chu April ni 30 Ningani khan General Headquarters Office Committee Room-ah an thu khawm a, Home mamawh chungchangte leh Kitchen cum dining Hall cum Boys Dormitory bulding sak mek chu chhunzawm dan turte an sawiho. Home Society Board hi Mizoram UPC Puipa ten an ho a ni.

Hmarchhak Area

Hmarchhak Area Revival team Hodos Revival Team te chuan April Ni 25 Inrinni zan atang khan Sakawrdai hmar veng kohhranah rawngbawlna an nei tan a. Ni 26 Pathianni zan khan Team Speaker Tirhkoh Andria Lalnunzira’n mi pali Lalpa Isua hmingin sual ngaihdamna Baptisma a chan tir a ni. Sakawrdai Hmar veng Kohhranah hian Baptisma khur hi vawikhat hawnna a ni. April Ni 25 Inrinni zan atang ve khan MATTHIA revival team, Tirhkoh Anthony Lalhruaizela leh a thiante pawhin Darlawn kohhranah rawngbawlna an nei tan a. Kohhran In tin te tlawhin rawng an bawl mek a ni.

Upper myanmar Area

Upper Myanmar Area PYD Conference vawi 23-na April ni 24-26 chhung khan Khampat kohhranah hlim tak a hman a ni. Inkhawmpui hi Area PYD President Tk Dokhettuanga'n a kaihruai a, Area chhunga Tirhkoh te atangin thu sawi tura ruat ten thuhril rawngbawlna an nei a, Tamu Bialtu Pastor Lalronghaka hovin inkhamwpuiah hian Seminar an nei bawk. Upper Myanmar Area PYD inkhamwpui Ro relna chuan Kum 2027 inkhawmpui chu Kanaan kohhranah an nghat a. General Budget an neihte tlin ngei tura hmalakte an rel a, Area Pyd hminga sum tuak dan turte chu an inkhawmpui ro rel langsar zualte an ni. Upper Myanmar Area PYD inkhawmpui hi Myanmar ram buaina avanga kumin hian hman theih loh turah ngaih a nih laiin, Pathian awmpuina a zarah tluang taka hman zawh a ni a, palai riak lut a kal pawh mi 70 an chuang a ni.

Lunglei Area

Lunglei Area Committee chuan April ni 27 Thawhtanni khan an Area chhunga thli leh ruahin a tihchhiat Kanghmun South Biak In, (Mualthuam North Bial) a mi chu a hmunah kalin relief fund atangin cheng 3000/-(sangthum) an hlan. April ni 27 Thawhtanni tlai a thli leh ruah thawk chuan Kanghmun South Biak In chung chu ti chhiain, rangva thahnem tak a len chhi a, Biak In chung chih that nan hian Lunglei Area Committee te hi an luang chhuak a ni.