United Pentecostal Church
of Mizoram

HRUAITUTE PROGRAMME:

General Superintendent

General Superintendent Rev. Ngurthanpara Sailo chuan May ni 9 Inrinni hian Nursery veng kohhran Biak In, Pathian hnena hlanna leh hawnna a nei dawn a, Inrinni zan atang hian Nursery veng kohhranah revival hman zui a ni ang a, thu hril rawngbawlna a nei bawk ang. General Superintendent hian Pathianni chawhma hian Suaka veng kohhran a tlawh dawn a, Falkland East kohhranah Pathianni zan hian rawngbawlna a nei thung ang.

General Secretary 

General Secretary Rev. C. Lalawmpuia chuan Nursery Veng kohhran, Bungkawn Bial a Revival programme-ah May ni 10 Pathianni chawhma hian thuhril rawngbawlna a nei ang.

General Treasurer

General Treasurer Rev. Rokhuma chu May ni 8 Zirtawpni hian Kawnpui kohhrana Pathian chawimawina hmanpui turin a zin chhuak a, zan atangin Pathian biak inkhawmah thuril rawngbawlna a nei dawn a, Pathianni zan thleng hian chawimawina inkhawmah Speaker a ni ang.

General Treasurer hi Thawhtanni khian Aizawl a lo let leh dawn a ni.

ATI

Rev. Thangliansanga Principal, ATI chuan Serchhip Hebron kohhrana Pathian chawimawina Programme-ah May ni 8 Zirtawp zan atang hian rawngbawlna a nei dawn a, chawimawina programme hian Pathianni zan thleng a awh ang.

Gen SS Dept.

Mizoram UCP General SS Dept. Executive Board chu May ni 6 Nilaini khan Committee Room General Headquarters Office-ah an thu khawm a, Mizoram UPC Puipa General Secretary leh General Treasurer ten an ho.

He thutkhawmah hian General SS Dept-in Animation movie leh Recitation a buatsaih, ‘Naupang piangthar Muantea’ tih Rev. Lalngaizuala ziah leh ‘SS ngei hi a lo ni’ Lalthazualai ziak te chu General Secretary Rev. C. Lalawmpuia’n tlangzarhin Pathian hnenah a hlan a. Pentecost Mdia YouTube Channel-ah en theih a dah chhuah a ni. General SS Dept Executive Board chuan Aizawl khawpui chhung bial ss hruaitute leh Tualchhugn tin ss board hruaitute nen a inkawmhona April ni 30 zan a an neih chu an thlir let a, Aizawl khawpui chhung bial atanga mi 90 lai mai he hun ngaipawimawh a an tel thei chu lawmawm an ti hle a ni. SS hmasawnna lam hawi inkawm khawmna a rawtna hrang hrang awmte chu Executive Board chuan thlir hovin, a tul ang a ro relna sang zawk a thlente an rel a ni. Heng bakah hian Kum 2028 PTSS zir tur an sawiho bawk a, rawtna hrang hrang awm zingah ‘Kristian nun leh rinawmna’ tih thupui an thlang a, a ziaktu tur pawh mi pakhat mai ruat lo va, zirlai thu pui tur hrang hrang thlan chhuah hnuah chauh ruat an rel a ni. General SS Dept executive board chuan Naupang SS Zirlaibu hman mekah , chhut sual palh awmte chu a theih ang ang a tih dikna a rang lama chhuah an rel bawk a ni.