United Pentecostal Church
of Mizoram

Hruaitute rawngbawlna:

General Superintendent Rev. Ngurthanpara Sailo chu May ni 16 Inrinni hian Mamit H/S Veng kohhrana Pathian chawimawina hmanpui turin a zin chhuak dawn a, Pathian biak inkhawmah speaker a ni ang. General Superintendent hian Pathianni zan thleng hian rawngbawlna a nei dawn a ni.

General Secretary Rev. C. Lalawmpuia May ni 16 Inrinni hian W. Phaileng Bial tlawhin a zin chhuak dawn a, May ni 18 Thawhtanni hian Aizawl a lo let leh dawn a ni.

Rev. Lalngaizuala Secretary, General SS Dept. chuan May ni 16 Inrinni hian Headquarters Bial LAD Seminar, Headquarters biak in a neih tur chu a hmanpui dawn a, resource person a ni ang.

Rev. Andrew L. Singson Secretary, General Missions Dept. chu May ni 16 Inrinni hian Khawzawl Vengthar Bial Missions revival hmanpui turin a zin chhuak ang. Missions Secretary hi May ni 18 Thawhtanni hian Aizawl a lo let leh dawn a ni.

Rev. Thangliansanga Principal, ATI chu May ni 15 Zirtawp zan atang hian Chawlhhmun kohhran a Pathian chawimawinaah thuhril rawngbawlna a nei a, Pathianni zan thleng hian rawngbawlna a neih chhunzawm dawn a ni.

General PYD

Thuampui Bialah Career Guidance cum Life Skills training buatsaih a ni. May Ni 3 Pathianni chawhnu khan General PYD Social Wing Committee chuan Thuampui Bial Sunday School Department-te Career Guidance cum Life Skills training, Zuangtui Kohhran Biak Inah an neih pui a. Upa Hmingdailova, Chairman, Thuampui Bial S.S. Dept. chuan he hun hi kaihruaiin, Mary Lalrinchhani, Secretary, Thuampui Bial S.S. Dept. leh F. Lallawmzuala, Secretary, S.W.C. ten kalkhawmte inhmelhriattirna an nei a ni.

#

Gen PYD General PYD Social Wing Committee hmalakna in Zuk leh Hmuam laka Thianghlimna Awareness Campaign Ramthar kohhranah neih a ni.

May Ni 11 (Thawhtan zan) khan Ramthar Kohhran Sunday School Hall Bazar Bial-ah Social Wing Committee, General PYD chuan Ramthar PYD sawmna bawhzuiin Zuk leh Hmuam laka Thianghlimna Awareness Campaign an nei a. He hun hi K.Lalramngaihawma, President, Ramthar PYD chuan kaihruaiin F.Lallawmzuala, Secretary, SWC leh David Malsawmdawngkima, Secretary, Ramthar PYD atangin inhmelhriattirna an nei a, Lalnunpuia Pachuau, Chairman, SWC atangin thu sawi ngaihthlak a ni bawk. Zuk leh hmuam laka Thianghlimna Awareness Campaign-ah hian Mary Lalrinchhani, SWC chu Resource Person a ni a, kalkhawmte hnenah Zuk leh Hmuam hlauhawm zia leh Pentecost mi te chu kan invawn thianghlim a ngaih zia thute sawiin, thu pui sawihona hun hlawk takin an nei bawk a ni.