General Superintendent Rev. Ngurthanpara Sailo chu Khawhai Bial Tlangpui kohhrante Pentecost Day hmanpui turin May ni 23 Inrinni hian a zin chhuak dawn a, Thawhtanni khian Aizawl a lo let leh ang.
General Secretary Rev. C. Lalawmpuia chu May ni 22 Zirtawp zan atang hian Bethlehem Vengthlang kohhrana Pathian chawimawina programme-ah Speaker a ni dawn a, Pathianni zan thleng hian rawngbawlna a nei dawn a ni.
Rev. Lalngaizuala Secretary, General SS Dept. chuan May ni 23 Inrinni hian Headquarters kohhrana Pathian chawimawina ah Speaker a ni dawn a, Pathianni zan thleng hian rawngbawlna a nei ang.
Rev. Andrew L. Singson Secretary, General Missions Dept. chuan May ni 24 Pathianni chawhma hian Ainawn veng kohhrante Pentecost Day a hmanpui dawn a, Pathianni zan hian Bungkawn kohhranah hun a hmang veleh dawn a ni.
ATI
Apostolic Theological Institute chuan First Terminal Examination result an ti chhuak a, zirlai zawng zawngin hlawhtlinna an chang.
May ni 18 Thawhtanni khan ATI Second Terminal chu neih tan leh niin, he mi ni hian First Terminal examination result puan a ni a, ATI a zirlai mi 46 te chu passed vekin an zingah hian mi 4 ‘O’-Grade ah an passed a, ‘A’ Grade-a passed hi mi 39 awmin mi 3 in ‘B’ Grade-ah an passed a ni.
Result puan ni hian chawhnu lamah zirlaite chuan an mentor theuhte nen inkawmhona te neiin, zirlai tinten hma an sawn leh zual theihna turte an sawiho va, zirlai ten an hlawkpui hle a ni.
ATI zirlai te leh an Mentor-te nen a inkawmhona hi ATI board-in nei tur a beisei thin a ni a, kumin hian tihhlawhtlin a ni.
#May ni 21 Ningani zan khan ATI Zirlaite chuan Durtlang thlanmualah YMA section ‘E’ te hnatlang a puiin, thlan laih hna an thawk a, he mi zan hian thlan khur pathum an lai zo a ni.
#Pentecost Ni May ni 24 hian ATI Lecturer-te Tualchhung hrang hrangah hun an hmang dawn a,
M Suaka Veng kohhranah Dean Rev. B. Lalchhanhima’n thu a sawi ang a, Bawngkawn West kohhranah Rev. HT Vanlalengmawia, Chaltlang kohhranah Rev. HC Lalthlamuana leh Durtlang ramthar kohhranah Rev. T. Laldingliana ten thu an sawi dawn a ni.
