General Superintendent Rev. Ngurthanpara Sailo chu May ni 30 Inrinni hian Bairabi Bial tlawhin a zin chhuak dawn a, Bairabi kohhrana Pathian chawimawina programme-ah Speaker a ni ang.
General Superintendent hi June ni 1 Thawhtanni khian Aizawl a lo let leh dawn a ni.
Rev. Lalngaizuala Secretary, General SS Dept. chu Keifang bial SS seminar cum revival hmanpui turin May ni 30 Inrinni hian a zin chhuak dawn a, Keifang kohhran biak In ah, zirtirtute pual seminar Inrinnini chhunah a neih pui ang a, Pathianni chawhnu hian ruihhlo leh sex hman sual laka naupangte himna chungchang awareness campaign a neihpui bawk ang.
Rev. Lalngaizuala hian May ni 30 Inrinni zan aṭanga Pathianni zan thleng hian Keifang Bial SS revival programme-ah thuhril rawngbawlna a nei bawk dawn a ni.
Rev. Andrew L. Singson, Secretary General Missions Dept. chu Zemabawk bial Mission revival Inrinni zan atanga Falkland kohhran Biak In a neih turah Speaker a ni dawn a, Pathianni zan thelng hian rawngbawlna a nei dawn a ni.
Rev. Thangliansanga Principal, ATI chu May ni 29 Zirtawp zan atang hian Chawlhhmun kohhrana Pathian chawimawina ah Speaker a ni dawn a, Pathianni zan thleng hian rawngbawlna a nei dawn a ni.
General SS
Gen. SS Executive Board chu May ni 28 Ningani khan Committee Room General Headquarters Office-ah an thu khawm a, Board Chairman upa Lalnuntluanga Sailo chuan a kaihruai a, Puipa ten an ho a ni.
General SS Dept. Executive Board chuan Kum 2028 PTSS zir tur atan 'Kristian nun leh rinawmna' tih chu an thlang fel a, Thupui hrang hrang 38-a awm ang.
July ni 3-5 chhunga Manipur Area childrens meet neihpuite,
Heng bakah hian kum 2027-a naupang SS zirbu, kum1-na dik lo lai dikna siam a, circular chhuaha, pdf a thawn darhte an rel a,
SS manual ennawnin siam ṭhat ngaite siam ṭhat an rel bawk a ni.
LITERATURE & PUBLICATION BOARD
L&PB chuan workshop cum meeting May ni 28 (Ningani) zan khan Headquarters Kohhran SS Hall, Tuikhuahtlangah an nei a, Pentecostal Jubilee hming thlak rawtna chu an thu rel langsar zual a ni a, Executive Committee pawmpui turin ‘Pentecost Palai’ tih chu an pawm.
L&PB chuan Lehkhabu tihchhuah tur chungchangte sawihoin,
General SS Dept. ngenna an ngaihtuah bawk a, kum 2027 Sunday school zir lai bu en dik turin T Upa Lalengmawia Kawlni, Upa Lalnuntluanga Sailo leh Rev. R Laldawngliana te an ruat a,
June thla chhung en dik hun an ruat bakah July thla tir lama workshop neih an rel bawk a ni.
Heng bakah hian General PYD ngenna angin PYD hla bu thar en dik turin
T Upa Lalengmawia Kawlni
Upa Lalthlamuana leh Upa R Lallawmzuala te an ruat bawk.
Heng bakah hian Library tih changtlunte, Kohhran thu vawn para hnihnaa comma dah belh chungchangte, Rodingliana famta puala hun hmante chu L&PB chuan a rel a.
He mi pual hian Sub Committee an din nghal a,
1. Chairman-ah : Rev Hc Lalthlamuana
2. Secretary-ah :T Upa Lalengmawia Kawlni
3. Member atan
a. Rev. Thangliansanga leh
b. Upa Vanlaldinthara te an ruat bawk a ni.
GENERAL PYD
General PYD Executive Board chu May ni 22 Zirtawpni khan Bazar Kohhran Sunday School Hall-ah an thu khawm a, Upa Lalrinchhana, Vice President GPYD chuan he hun hi kaihruaiin, General PYD hmalakna atan Pathian thu sawihona (talk show) neihte, Bial atanga sawman an dawn join revival hmanpui chungchangte leh hmalak zel dan tur pawimawh tak tak an sawiho a ni.
