HRUAITUTE PROGRAMME
#General Secretary Rev. C. Lalawmpuia chu Lawngtlai Bial Revival Crusade hmanpui turin June ni 5 Zirtawpni khan a zin chhuak a, Thawhtanni ah Aizawl a lo let leh dawn a ni.
#Rev. Thangliansanga, Principal ATI chuan June ni 6 Inrinni hian Chawlhhmun bial LAD-te Chawlhhmun kohhran Biak In ah Seminar a neih pui dawn a, Pathian Thuthlung tih leh Zuk leh hmuama thianghlimna tih thu pui an zirho ang.
Rev. Thangliansanga hian Inrinni zan aṭanga Pathianni zan thleng hian Chawlhhmun Bial LAD revival programme-ah rawngbawlna a nei bawk dawn a ni.
ATI
Orientation Training, ATI-ah neih a ni.
June ni 2 Thawhlehni khan ATI Office-ah 'Orientation Programme for ATI Faculty' hman a ni a, Board Chairman Upa R. Vanlalruata'n zirtirna pe in, he hunah hian ATI Lecturer-te an tel kim thei a ni.
General PYD
General PYD hnuaia Media & Documentation Committee te chuan June ni 4, Ningani zan khan Bethlehem Vengthlang kohhran Committee Room-ah meeting an nei.
He an meeting hi Upa Lalthathanga Chairman M&DC, chuan kaihhruaiin, Upa Lalrinchhana, Ex-Officio; General PYD Vice President chuan a telpui a, an thurel langsar zual zingah August thla a, General PYD buatsaih tur Thu leh hla kutpui a mawhphurhna nei turte inruatin, PYD Day pual a reels insiamsiak lawmman sem hun tur an ngaihtuah a, Tualchhung/Bial tina Media Committee te puala Media Workshop June ni 26 zana neih pah a sem turin an pass. Heng bakah hian thalai a tui mi te tan ni 1-awh Free Videography & Photography training chu July ni 6-ah buatsaih an tum bawk.
Oneness Royal Enfield Riders te Lungdai kohhran tan an fehchhuak.
May ni 30 (Inrinni) khan Durtlang Bial, Lungdai Kohhran Biak in sak mek chu Oneness Royal Enfield Riders te chuan hnatlang a puiin Biak in sak ṭanpuinan Rs 10000 (Singkhat) an hlan bawk a ni.
Lungdai kohhran Biak In sa a Oneness Royal Enfield Riders-te hnatlang hi Durtlang Bialtu Pastor Lalhmunthara’n a ho bawk a, he mi ni hian Lungdai kohhran Biak In ban pathum an chhûng hman a ni.
Oneness Royal Enfield Riders-te hian Kum tin a remchan dan angin Fehchhuah/Charity ride an nei thin a ni.
