Mizoram UPC Puipa te chuan June ni 14 Pathianni hmang hian Aizawl khawpui chhung kohhran hrang hrangah Project 2030 Campaign an nei dawn.
Executive Chairman Upa F. Lalremmawia chuan Ainawn kohhranah Project 2030 pual hian Pathianni zanah campaign a nei dawn a.
General Superintendent Rev. Ngurthanpara Sailo chuan Zemabawk South kohhranah Project 2030 Campaign a nei thung ang.
General Secretary Rev. C. Lalawmpuia chu Bazar kohhranah Project 2030 pual hian a inkhawm dawn a.
ITI kohhranah General Treasurer Rev. Rokhuma chuan Project 2030 pual hian Campaign a nei bawk dawn a ni.
Rev. Andrew L. Singson, Secretary General Missions Dept. chuan June ni 13 & ni 14 Pathianni hmang hian Sairang Bial Missions Dept. Revival programme Nghalchawmah a hmanpui dawn a. Revival inkhawmah hian Speaker a ni ang.
Rev. Lalngaizuala, Secretary General SS Dept. chu June ni 13 Inrinni hian Vairengte kohhran SS Naupang pual hmanpui turin a zin chhuak a. Thawhtanni khian Aizawl a lo let leh dawn a ni.
Rev. Thangliansanga, Principal ATI chuan June ni 14 Pathianni chawhnu hian Dawrpui kohhran PYD te Bible Study a neihpui dawn a, 'Pathian pakhat chungchang' tih chu an zirho dawn a ni.
Gen Missions
Dept.
General Missions Dept. Executive Board chu June ni 9 Thawhlehni khan General Headquarters Office Committee room-ah an thu khawm a, Missions Manual 2026 Amendment te chu thlirhoin, Pentecost Missions School Management Board chungchangte an ngaihtuah a, kum 2025 Field Annual Audits Reports an thlir ho bawk.
General Missions Executive Board chuan Mizoram UPC ro relna sang Executive Committee a thlen tur agenda engemaw zat an rel bawk a, chung zingah chuan General Headquarters Office-a Missions Dept. incharge bik tur thawktu pakhat lak dilna te, Area Supervisor post ruak pahnih hnawhkhah rawtnate a tel a. Heng bakah hian Field mamawh hrang hrangte sawihoin, sum sanction tulna hmunte sawihovin, a tul anga hmalak an rel bawk a ni. Genera Missions Dept Executive Board thutkhawm hi Mizoram UPC Puipa ten an ho a ni.
ATI
ATI-ah Pathian chawimawina neih a ni. Mizoram UPC Bible zirna Apostolic Theological Institute, Durtlangah kar tir atang khan Thlarau lam revival nasa taka thlengin, chawhma lamah zirtirna pawh la mumal thei lovin Pathian thlarau hna thawh a thleng nasa hle a. June ni 11 Ningani khan Lecturer-te chuan Dorm tinah hriak thih rawngbawlna neiin, Dorm hlanna te an nei a ni. ATI zirlai atangin Thlarau lam tulna avangin Pathian chaiwmawina puan a ni a, June ni 12 Zirtawpni hian ATI zirlaite chuan sum thawhkhawmin Pathian chawimawina ATI Chapel-ah an nei a, Rev. Thangliansanga, Principal chu Speaker a ni.
