General News Mizoram UPC Pastor ten June ni 20 Inrinni hian chaw nghei tawngtai an nei dawn.
Chaw nghei Tawngtai inkhawm hi hmunhnihah, General Headquarters Office Conference Hall-ah leh Lunglei Chanmari kohhran Biak In ah neih a ni dawn a, tawngtai thupui thlan bik, ‘Kohhranah Thlarau lama harhna a lo thlen leh theih nan’, ‘Missionary-te leh Kohhrana thawktu zawng zawngte tan tih leh Project 2030 pual bakah thupui hrang hrang hmangin Pastor-te hian tawngtaina an nei dawn a ni. Inrinni zan atanga Pathianni zan thleng hian Aizawl khawpui chhung Pastor Bial 10 a Tualchhung 39-ah Pastor 48 te insem darhin hun an hmnag dawn a, Southern Zone chhunga Pastor te pawhin Inrinni zan hian Chanmari kohhranah hun an hmang ang a, Pathianni hian Lunglei khawpui chhunga Tualchhung hrang hrangah insem darhin hun an hmang bawk ang.
#Mizoram UPC ro relna sang Pastoral Board leh Executive Committee kum chanve thutkhawm neih a ni dawn. June ni 23 Thawhlehni hian General Headquarters Office Conference Hall-ah Pastoral Board an thu khawm dawn a, a tuk ni 24 & 25 hian Executive Committee an thu khawm bawk ang.
General Missions Dept.
General Missions Dept. hnuaiah Arunachal Pradesh State a thawk tur Missionary pakhat Contract Basis a lak a ni dawn a, July ni 15 thleng dilna hun hawn a ni a. Dilna hi General Missions Dept. Secretary hnenah thehluh tur a ni.
Gen LAD
Mizoram UPC Ladies Auxiliary Department Executive Board Meeting chu June Ni 12 (Zirtawpni) khan General Headquarters Office Conference Hall-ah an thu khawm a, Rev. Ngurthanpara Sailo, General Superintendent-in a ho a ni. General LAD Executive Board chuan kum 2026 Inkhawmpui October Ni 23-25, chhunga Lunglei South biala neih turah, hun hmang tur leh chanvo hrang hrang nei turte an ruat a, Zirtawp Zan inkhawmah, Remlalthari, Bawngkawn Inrinni Zan inkhawmah Upa F.Lalremmawia, Executive Chairman, Pathianni Zingah - Rev.Ngurthanpara Sailo, Gen.Supdt Pathianni Chhun inkhawmah - C.Renghlupuii, President GLAD“ leh Pathianni Zanah Rev.Thangliansanga, Principal ATI te chuan thuhril rawngbawlna an nei dawn a ni. Rorel inkhawm Pathian hnen a hlanna Rev.Rokhuma, Gen.Treasurer-in a nei ang a, he mi ni hian ro rel palai ni ve lote tan inkhawm a awm dawn a, Tk.Zosangliana, N. Khawlek chuan a kaihruai ang a, Tk. Lalrosanga, Lawngtlai III chuan thuhril rawngbawlna a nei dawn a ni. General LAD Executive Baord chuan inkhawmpui liana Member boral sunna nei turin Rev.C.Lalawmpuia, Gen.Secy chu an ruat a,inkhamwpuiah hian Buhfaitham Lawmman Semna leh Kum 75 chin inkhawmpui kalte chawimawina hun neih an rel bawk a ni. Heng bakah hian thawhlawm khawn dan tur an rel bawk a, General LAD inkhawmpuiah hian Zirtawp zanah - Project 2030 pual, Inrinni zanah - HYSSOP pual, Pathianni zingah - General Missions pual, Pathianni chhunah - Bethani Children’s Home pual leh Pathianni Zanah - Foreign Missions pual thawhlawm lakkhawm a ni dawn a ni. General LAD executive board chuan Kum 2026 General LAD Inkhawmpui report form hman mek an ennawn a, Paih ngai leh belh ngaite belhin an siam rem bawk a, Report form leh agenda theh luh hun atan August thla chhung an ruahman bawk a ni. General LAD President C. Renghlupuii kaihhruai executive Board chuan Bial tlawh programme neih chhunzawm an rel bawk a, Kanchanpur, Tuikumba leh Agartala bialte an tlawh dawn a ni.
