Mizoram UPC thu neitu sang kum chanve thutkhawm ro relna tluang taka zawh fel a ni.
June ni 23 Thawhlehni khan Mizoram UPC Pastoral Board chuan kum chanve thutkhawm, General Headquarters Office, Conference Hall Zonuam-ah an nei a, Board Chairman General Superintendent Rev. Ngurthanpara Sailo chuan a kaihruai.
Pastoral Board thu khawm chuan Mizoram UPC hnuaia Bial vawngtu Pastor-tinte Monthly report an thlir hova, Pastor post hnawh khah chungchangte leh Home Missions Field hnuaia Area Supervisor Post ruak hnawhkhah dan turte chu an thu rel langsar zualte an ni.
A tuk June ni 24 Nilaini khan Executive Committee an thu khawm bawk a, Mizoram UPC hnuaia inkhawmpui hrang hrang hun bi nghet rawtna chu an pawm.
Executive Committee thut khawm hi Upa F. Lalremmawia, Executive Chairman chuan a kaihruai a, P&FB-in inkhawmpui hrang hrang hun bi nghet atana a ruahman chu kum 2027 atanga hman tan turin hetiang hian a pawm.
Bial PYD inkhawmpui hi 1st Sunday, February-ah
Bial LAD inkhawmpui – 3rd Sunday, February-ah
Bial Missions Dept. inkhawmpui – 1st Sunday, March-ah
Bial SS Dept. inkhawmpui – 3rd Sunday, March-ah
Bial Inkhawmpui – 4th Sunday, April-ah leh
Area inkhawmpui - 2nd Sunday, November-ah te a rual a neih a ni tawh dawn a ni.
Executive Committee chuan Financial Rules leh Office manual siam that ngaite chu an siamrem bawk a, Thawktute pension kum bi thliah en nawn niin. Thawktu zawng zawng pension kum bi thliah kum 65 ni thin chu; Pastor te kum 62- ah leh thawktu dangte kum 60-ah tih hniam a ni a; hei hi kum 2037 January Ni 1 atanga hman tan tur a ni.
Mizoram UPC Executive Committee chuan kohhran chanchinbu thla tin chhuak Pentecostal Jubilee hming thlak rawtna, ‘Pentecost Palai’ tih chu an pawm bakah, Office Staff, Thawktu pahnih senior grade-a hlan kai an ni a, selection grade-ah pahnih hlan kai niin, thawktu temporary-a rawih pakhat a nghetin an dah a, Media Assistant Grade III pakhat, kum 2027 atanga thawk tan turin an la thar bawk.
Executive Committee thutkhawm hi Nilaini zan dar 10 bawr velah zawh fel a ni a, palai member 73-ah 63 an kal thei a ni.
#Live Crusade
Lunglei Area-ah Live Crusade buatsaih a ni dawn.
Mizoram UPC Executive Committee ro rel bawhzuiin Puipa Committee chuan July ni 4 leh ni 5 Pathianni hmang hian Lunglei South Bial Electric Veng kohhran Biak In ah a buatsaih dawn a, thupui thlan bik hmangin speaker ten rawngbawlna an nei ang.
Juky ni 4 Inrinni zan hian Rev. Gospelthanga Secretary Southern Zone chuan inkhawm a kaihruai dawn a, General Secretary Rev. C. Lalawmpuia’n ‘Pentecost Movement’ tih thupui hamngin Pathian thu chah a sawi ang.
July ni 5 Pathianni chhunah Lunglei Rahsiveng Bialtu Pastor F. Lalnienga’n inkhawm a kaihruai thung ang a, Pastor Lalhmachhuana, Mamit Bialtu in ‘Chhandamna thu’ tih thupui hmangin rawngbawlna a nei bawk dawn a ni.
Pathianni zan hian Rev. Lalruatfela, Lunglei South Bialtu in inkhawm a kaihruai ang a, ‘Kohhran a kal sual thei’ tih thupui hmangin General Superintendent Rev. Ngurthanpara Sailo chuan thuhril rawngbawlna a nei dawn a ni.
Mizoram UPC Executive Committee thu rel angin, Live Crusade hi a tul dan ang zelin Mizoram UPC Area tinah buatsaih tum a ni.
Gen PYD
Media & Documentation Committee, General PYD te chuan June ni 22, Thawhṭanni zan khan Bawngkawn PYD te inkhawm pui in, Media Awareness Campaign an nei.
He hunah hian M&DC Secretary hnen aṭangin Comtt. hmalakna report hrang hrang ngaihthlak anih bakah Bawngkawn tualchhung Media & Documentation Comtt. te hmalakna ngaihthlak a ni bawk a ni.
Thusawi tura ruat Upa Lalrinchhana, Vice President, General PYD (Ex-Officio, M&DC) chuan tunlaiah Social Media chu rawngbawlna pawimawh tak anih thu te sawiin, kohhran ṭhalai te pawhin chu chu hmang thiam a, a ṭha zawnga rawngbawl nana hmang zel turin a fuih a.
Pathian Thuthlung puandarhna leh Thlarau Thianghlim awm theihna Programme kan buatsaih tam a pawimawh zia te sawiin, kalkhawm ten an hlawkpui hle a ni.
