Executive Chairman Upa F. Lalremmawia chu July ni 5 Pathianni hmang a Khawhai Bial Crusade, Khawhai kohhran a nghah chu hmanpui turin a zin chhuak a. Thawhtanni hian Aizawl a lo let leh ang.
Rev. Thangliansanga, Principal ATI chu Bawngkawn west kohhrana Rev. HT Vanlalengmawia te chhungkuain Pathian chawimawina an neihah, July ni 3 Zirtawp zan atang khan speaker a ni a, Pathianni zan thleng hian rawngbawlna a nei dawn a ni.
Live Crusade
Lunglei Area-ah Live Crusade buatsaih a ni dawn a, General Superintendent leh General Secretary-te chuan he hun hi hmanpuiin Speaker an ni ang.
Mizoram UPC Executive Committee ro rel bawhzuiin Puipa Committee chuan July ni 4 leh ni 5 Pathianni hmang hian Lunglei South Bial Electric Veng kohhran Biak In ah Live Crusade neih a ni dawn a, thupui thlan bik hmangin speaker ten rawngbawlna an nei ang.
Juky ni 4 Inrinni zan hian Rev. Gospelthanga Secretary Southern Zone chuan inkhawm a kaihruai dawn a, General Secretary Rev. C. Lalawmpuia’n ‘Pentecost Movement’ tih thupui hamngin Pathian thu chah a sawi ang.
July ni 5 Pathianni chhunah Lunglei Rahsiveng Bialtu Pastor F. Lalnienga’n inkhawm a kaihruai thung ang a, Pastor Lalhmachhuana, Mamit Bialtu in ‘Chhandamna thu’ tih thupui hmangin rawngbawlna a nei bawk dawn a ni.
Pathianni zan hian Rev. Lalruatfela, Lunglei South Bialtu in inkhawm a kaihruai ang a, ‘Kohhran a kal sual thei’ tih thupui hmangin General Superintendent Rev. Ngurthanpara Sailo chuan thuhril rawngbawlna a nei dawn a ni.
Mizoram UPC Executive Committee thu rel angin, Live Crusade hi a tul dan ang zelin Mizoram UPC Area tinah buatsaih tum a ni.
Gen SS
Manipur Area Children’s Meet, July ni 5 Pathianni hmang hian Rengkai kohhranah hman a ni dawn a,
Mizoram UPC General Treasurer Rev. Rokhuma leh Gen SS Secretary Rev. Lalngaizuala te chu July ni 4 Inrinni hian Meet hmanpui turin an zin chhuak a ni.
Gen Missions Dept.
General Missions Dept. hnuaia Field hrang hrang te chuan July ni 2 Ningani khan Account Audit an hmachhawn a, Upa. Dr. Zonunmawia, President GPYD, Upa. Robert Lalramchuana, Secretary Education Baord leh Pastor Jonathan Lalromawia, Hqrst Bialtu te chuan Account-te hi an Audit a ni.
Mission field atangin palai 29 an tel thei a, Audit hi Zan dar 8:30 ah tluang taka zawh fel niin,
Mizoram UPC General Secretary leh General Treasurer ten an ho a ni.
#General Missions Dept. chuan July ni 3 Zirtawpni khan Field a thawktute tan Conference Hall Mizoram UPC Office-ah Seminar a buatsaih a, he hun hi session 4 ah then niin, General Missions Dept. Office Bearer-te chu resource person an ni a, Mizoram UPC General Secretary Rev. C. Lalawmpuia leh General Treasurer Rev. Rokhuma te chuan an ho a ni.
Seminar-ah hian Field Pastor-te leh Grade C Evangelist-te bakah Pentecost Mission School Principal te an tel a, an vaiin mi 29 an ni.
Session khatna ah hian Upa. Lalzirliana, Chairman Gen Missions Dept chuan Administration tih thupui hmangin kalkhamwte zirtirna a pe a, session hnihnaah Upa. Lalthlamuana, Treasurer hovin Financial Rules an zirho bawk a ni.
Session thumna hi tlai lam dar 3 ah an nei veleh a.
Secretary mawhphurhna hrang hrang tih hmangin Upa Lalzirliana’n zirtirna a pe leh a,
Session hnuhnung berah hian Rev. Andrew L Singson Secretary chuan Ceremonial and Pastoral Ministry tih thupui hmangin zirtirna a nei thung a ni.
General Missions Dept. buatsaih Seminar- a telte hian zan riah an kilho nghal a ni.
July ni 4 leh ni 5 Pathianni hmang hian Aizawl khawpui chhunga kohhran hrang hrangah Field Pastor leh Evangelist an vaiin mi 22 te chu an insem darh dawn a, rawngbawlna an nei ang.
ATI
ATI Text Book Review Committee chu a vawi khatna atan June Ni 30 (Thawhlehni) chawhnu dar 2 khan General Superintendent Quarters, Zonuamah an thu khawm a. ATI zirlaibu hman mek siam rem ngaite thlir hovin, zirlaibu changtlung zawk neih dan tur rawtna hrang hrangte an sawiho a ni.
North Mizoram Area
North Mizoram Area Committee chu June ni 30 Thawhlehni khan, Armed Veng South Kohhran Biak inah an thu khawm a.
Area Committee Chairman Tk H. Lalawmpuia’n a kaihruai a ni.
North Mizoram Area committee chuan Project 2030 pual a Area chhunga Pastor Bial 7 te hmalak dan an thlir hova, November thla a Area inkhawmpui an neih tur programme an duang bawk a ni.
Project 2030 bawhzuina atan
Aibawk Bial hruaitute hmalaknain Tualchhung kohhrantinah, thawhlawm lakkhawm a ni.
Kanghmun Bialah Project pual thawhlamw lakkhawm a ni a, he rawngbawlna kaltlang hian Kanghmun kohhranah mi thar pathum seng luh an ni a, August 2026 second sunday ah Tualchhungtin ten a rualin thuthlung puanga hun hman an tum bawk a ni.
Reiek Bial a Tualchhungtinah Project 2030 pual hian ram bei a kal chhuah thin a ni a, General ah Revival Team an dil mek bawk a ni.
Bungkawn Bial hruaitute hmalaknain Tualchhungtinah Project 2030 pual hian thawhlawm khawn a ni a, Bial inkhawmpui hrang hrangah Project pual hian thawhlawm an khawn bakah Pathianni tlaiah chaw nghei țawngțai an nei thin a ni.
Headquarters Bial inkhawmpuiah thawhlawm khawn a ni a, an bial chhunga kohhran tinah Project 2030 pual hian hma lak mek zel a ni. Bial huap mual inkhawm neih an tum bakah, Saikhamakawna rawngbawl turin Revival Team an ruai mek bawk a ni.
Bethlehem Bial Committee hmalaknain, an Tualchhungtinah thawhlawm an lakhawm a, General ațanga ruahmanna, Project 2030 pual Chaw nghei țawngțai, thlatin vawi khat Sermon neihte leh Department inkhawmpuiah a pual a thawhlawm khawnte an tihlawhtling a, Mualpuiah ram an bei mek bawk a ni.
Bazar Bial pawhin Project 2030 pual hian inkhawmpuiah thawhlawm a khawn a, Armed Veng ah Kohhran din tumin hma an la mek bawk a, July 2026 ațangin Tirhkoh rawih an tum a ni.
North Mizoram Area Committee chuan November 2026 Pathianni hmasa ber hmanga Kanghmun Bial a inkhawmpui an neih turah ah, thuhriltu atan heng mite hi an ruat a ni.
1. Zirtawpni zanah - Upa Saibuanga Sailo, Bazar Bial Treasurer
2. Inrinni zanah - Rev. V. Roțhuamluaia, Bazar Bialtu
3. Pathianni zingah - General Puipa
4. Pathianni chhunah - Upa Lalfima, Aibawk Bial Chairman
5. Pathianni zanah - Rev. C. Lalremsanga, Bethlehem Bialtu te an ni.
