United Pentecostal Church
of Mizoram

HRUAITUTE RAWNGBAWLNA:

General Superintendent Rev. Ngurthanpara Sailo chuan Edenthar kohhrana Pathian chawimawina inkhawmah Zirtawp zan atang khan thuhril rawngbawlna a nei a. Pathianni zan thleng hian rawngbawlna a neih chhunzawm ang.

General Secretary Rev. C. Lalawmpuia chu July ni 12 Pathianni zan hmang hian Bungkawn kohhranah a inkhawm dawn a. Thuhril rawngbawlna a nei dawn a ni.

Upa Lalzirliana Chairman, General Missions Dept. chu Manik Bond kohhran Biak In sak tur, hmalakna kal mek enpui turin July ni 11 Inrinni hian a zin chhuak a. Mamit Bial Pastor Quarters leh Kawrthah Bial Pastor Quarters sak mek a hmunah kalin a enfiah bawk ang. General Misisosn Dept. Chairman Upa Lalzirliana hi Upa Andrew Laldingliana, Member P&FB leh Bazar Bial Missions Dept. hruaitute Upa Hrangthantluanga, chairman leh Upa Ramnunzira, Secretary te chuan an tawiawm a, July ni 13 Thawhtanni hian Aizawl an lo let leh dawn a ni.

Rev. Gospelthanga, Secretary Southern Zone chu Thingsai Bial Seminar hmanpui turin July ni 11 Inrinni hian a zin chhuak dawn a. Thawhtanni hian Aizawl a lo let leh ang.

Rev. Thangliansanga Principal ATI chu Zirtawp zan atang khan Zemabawk North kohhranah, Pathian chawimawina programme-ah speaker a ni a, Pathianni zan thleng hian rawngbawlna a nei dawn a ni.

Audit

General Headquarters Kum chanve sum Audit chu July ni 8 aṭang khan neih tan a ni a.

Ni thum chhung ruahman a nih laiin July ni 9 Ningani khan tluang tak a zawh fel a ni. Committee room General Headquarters Office-ah, Main, Department leh Board hnuaia Account -te chu General Auditor ni lai, Upa PC Lalchunglura Senior Auditor leh Upa Daniel Lalawmpuia, Junior Auditor te chuan an endik a ni. Mizoram UPC kohhran hian kum tin Audit hi vawihnih, kum chanve leh kum tawpah an nei thin a ni.

Live Crusade

Live Crusade tluang taka hman zawh a ni. July ni 4 leh ni 5 Pathianni hmang khan Lunglei ah General Headquarters buatsaih in, Live Crusade neih a ni a, Lunglei South Bial chuan Live Crusdae hi thlengin, Lunglei Electric veng Kohran ah nghah a ni a. Pentecost Media Youtube Channel ah Live a pek chhuah a ni. Live Crusade-ah hian Inrinni zanah Rev. C. Lalawmpuia, General Secretary in Pentecostal Movement tih thupui hmagnin rawngbawlna a nei a, Pathianni Chawhnu ah Pastor Lalhmachhuana, Mamit Bialtu in ‘Chhandamna thu’ tih hmangin rawngbawlna a nei velh a. Pathianni Zan khan Rev. Ngurthanpara Sailo, General Superintendent hne atangin, Kohhran a kal sual thei tih thupui hmangin Pathian thu ngaihthlak a ni bawk. Live Crusade ah hian Rev. Gospelthanga, Secretary, Southern Zone , Rev. Lalruatfela Lunglei South Bial tu, Pastor F. Lalnienga Lunglei Rahsi veng bialtu te bakah Lunglei South lehLunglei rahsi veng Bial Kohhran mipui thahnem tak an kal khawm a, hlim tak a hun hman a ni.

MANIPUR AREA CHILDREN'S MEET

Manipur Area Children’s Meet chu July ni 4&5 chhung khan Rengkai kohhran Biak In ah neih a ni a, General SS Department hruaitu te chuan an hmanpui. Meet hi Inrinni zan atanga hman tan niin he hun hmanpui tur hian Mizoram UPC Puipa atangin Rev. Rokhuma General Treasurer, General SS Department aiawhin Secretary Rev. Lalngaizuala, Executive Board Member-te, Upa F. Vanlalchama, Upa H. Lalremruata leh Tirhkoh Lianhmingthanga te an kal a, zaithiam unaunu Lalruatsangin a tawiawm bawk a ni.

Manipur Area Children’s Meet tan zan hian General Treasurer Rev. Rokhuma’n inkhawm a kaihruai a, palai lawmna leh Meet hlanna Upa Lalvullien, Chairman Manipur Area chuan a nei a. Area chhunga Pastor Bial pali, Rengkai Bial, Senvon Bial, Saikot Bial leh Imphal bial a SS Naupang te chuan items hmuhnawm leh beng ti tlai tak tak kalkhawmte an en tir a ni. July ni 5 Pathianni chhunah Meet hi hman chhunzawm a ni a, Rev. Lalngaizuala’n kaihruaiin General Treasurer Rev. Rokhuma hnen atangin fuihna thu ngaihthlak a ni a. SS Naupangten special items an neih chhunzawm bawk a ni. Pathianni tlaiah hian Rengkai kohhran ten ruai an buatsaih chu meet hmang a kalte hian an kilho a ni. Meet tawp zan inkhawm hi Upa F. Vanlalchama, EBM Gen SS Dept. in a kaihruai thung a. SS naupang ten special items hmuhnawm tak tak en tir lehin, Rev. Lalngaizuala, Secretary General SS Dept. hnen atangin SS pawimawhna leh Pathian thu ngaihthlak a ni a. Meet an hman chhung zawng hian Unaunu Lalruatsangi’n zai rawngbawlna a nei thin bawk a ni. Manipur Area Children’s Meet tawp zan hian tawngtai rualna neih a ni a, lam tualah SS naupangte lu chunga tawngtai sakna Zirtirtute leh Pastor bakah ,Upa leh Tirhkoh te chuan neiin, Hlapui rem a ni a, Thlarau Thiaghlim Baptisma chang thar naupang zingah an thahnem hle a, Pathianni zan hian Manipur Children’s Meet chu tluang tka hman zawh a ni.