General Superintendent Rev. Ngurthanpara Sailo chuan July ni 19 Pathianni hmang hian Durtlang Bial chhung a kohhrante a tlawh ang.
Rev. Andrew L. Singson Secretary, General Missions Dept. chuan July ni 18 zan hian Missions Campaign, Chaltlang kohhranah a nei dawn a, Pathianni zan hian Headquarters kohhranah inkhawmin Missions campaign a nei bawk ang.
Rev. Thangliansanga Principal, ATI chu July ni 17 Zirtawp zan atang hian Aibawk kohhrana Pathian chawimawina programme-ah speaker a ni dawn a, Pathianni zan thleng hian rawngbawlna a nei dawn a ni.
Puipa Committee
Mizoram UPC Puipa Committee thu khawm chuan Pastor leh Upa inkawm hona buatsaih a rel.
July ni 14 Thawhlehni khan General Superintendent Office-ah Puipa Committee an thu khawm a,
Thupui thlan bik hmanga Pastor-te leh AMC chhung a Upate inkawmhona, August ni 8 Inrinni chhunah neih an rel a. Inkawmhona thu pui atan;
1. Kohhranah harhna a lo thlen theih dan tur
2. Project 2030 chungchanga hmalak zel dan tur
3. Financial chungchang-te chu an thlang a ni.
Puipa Committee chuan Executive Committee vawi 71-na thu rel angin, Area tina Live crusade buatsaih chu chhunzawm a rel a. A thawhnihna atan Lawngtlai Area-ah buatsaih tha an ti a, a hun leh ni erawh Lawngtlai Area Committee te nena la sawiho tur a ni.
Heng bakah hian Puipa Committee chuan kohhran thurin ang ring ve United Apostolic Church (UAC) Maryland USA a mite nen, chanchin tha hrilna kawnga chak zawka hma lak a nih lehzual theih nan, thawh hona thuhthlung ziah an rem ti a. July ni 20 Thawhtanni hian MoU sign a ni ang.
Puipa Committee chuan Kumin General Assembly min hmanpui turin Apostolic Assembly of the Faith in Christ Jesus, USA a mite chu sawm an rel bawk a ni.
Fa neih tam chungchanga Executive Committee thu rel angi,n Chhungkaw thahnem tak hnenah fa nei tam lawmpuina pek chhuah mek zel a ni a. Kohhran ro relna sangin a pawm, Fa neih tam kawngah, tan la thar zel turin Puipa Committee chuan kohhrante min ngen a ni.
Assembly Centre & Pandal Committee
Assembly Centre & Pandal Committee chu Chairman Upa H. Lalrintluanga kaihhruaina hnuaiah July ni 16 Ningani khan General Headquarters Office Committee Room-ah an thu khawm a, Puipa ten an ho.
AC&PC thukhawm chuan Assembly Hall sak mek hmalak thlirletna an nei a, Work Manager Upa Lalawmpuia leh Asst. Manager T. Upa C. Lalfakawma ten report an pe a. Kum chanve chhunga an hmalakna chu tha tawkah an ngai a ni.
Assembly Centre-a Thingphun hnatlang July ni 24 Zirtawpni a neihte leh tui lakna siam thatte chu AC&PC ro rel langsar zualte an ni.
VEHICLE BOARD
Mizoram UPC Vehicle Board chu July ni 15 (Nilai Ni) khan General headquarters Committee room-ah an thu khawm a,
Board Chairman Upa Pc. Lalhmingliana’n kaihruaiin, Puipa ten an ho a ni.
Vehicle Board thutkhawmah hian kum chanve Vehicle Log Book report-te thlirho a ni a, dan leh hrai an hman mek siam that ngaite an siam rem nghal a ni.
Vehicle Board chuan kohhran Motor hman lai Mahindra Bolero, lilam chhanna meeting-ah hian an hawng bawk a, a chhang sang ber Caleba Lalnunenga, Chawlhhmun hnenah Ningnai khan lirthei hi hlan fel a ni.
