United Pentecostal Church
of Mizoram

General Secretary Rev. C. Lalawmpuia chuan July ni 26 Pathianni chawhma hian Lungdai kohhran Durtlang Bial a tlawh dawn a, thuhril rawngbawlna a nei ang.

General Treasurer Rev. Rokhuma chuan July ni 22 Nilaini khan Serchhip Bial Horeb kohhran Biak In, P&E veng a mi, lei khi avanga inkhawmna atana hman theih loh a awm mek chu a hmunah kal in a enfiah a, Serchhip Bial hruaitute leh Horeb kohhran hruaitu te nen hmalak dan turte sawihoin, General Treasurer hian Relief Fund a hlan a bawk a ni.

Rev. Gospelthanga Secretary, Southern Zone chuan July ni 26 Pathianni hmanga Luangmual P/P, Chanmari Kohhran in an tlawh tur chu a ho dawn a, thuhril rawngbawlna a nei ang.

Rev. Thangliansanga Principal, ATI chu July ni 24 Zirtawp zan aṭang hian Headquarters bial Samtlang kohhrana Pathian chawimawina ah speaker a ni dawn a, Pathianni zan thleng hian rawngbawlna a nei dawn a ni

MoU SIGN

Mizoram UPC leh United Apostolic Fellowship te chuan thawh hona thuthlung an ziak. July ni 20 Thawhtanni khan General Headquarters Conference Hall-ah Mizoram UPC leh United Apostolic Fellowship, Maryland USA te chuan thawh hona thuthlung an ziak a. Thawh hona thuthlung ziak tur hian United Apostolic Fellowship, Maryland ai awhin Rev. Biakchhawna, Missions Director a tel a, Mizoram UPC ai awhin General Superintendent Rev. Ngurthanpara Sailo chuan hming a ziak bawk a ni. Kohhran pahnih thawh hona thuthlungah hian Mizoram bakah India leh Asia khawmualpuia Misisons rawng bawlna kawnga thawh ho te, Oneness Literature tih hma sawnna leh Pathian thu zirna (Institution) tih changtlungna zawnte leh, Pathian ram zauhna kawnga Voluntary Missionary-te field training pek kawngah thawh hona te a tel a ni. He hunah hian Mizoram UPC Puipa te, Rev.Biakchhawna rawn ṭawiawmtu Chaltlang kohhran hruaitu thenkhatte leh, Mizoram UPC General Headquarters Office Staff-te an tel a ni.

General Missions Dept.

Arunachal Pradesh a MISSIONARY tur lak thar a ni. General Missions Dept. Executive Board thut khawm vawi 206-na, july Ni 22 Nilaini a neih chuan, Ziro Valley, Arunachal Pradesh a Missionary (Contract Basis) hna thawk turin Tirhkoh Lalduhsaka, a pa Lalmuanpuia, Kolasib Venglai, tun a Chawlhhmun Bial in Industry kohhran a rawngbawl tur atana a rawih lai mek chu a la thar. Missionary lakna hi Written Examination leh Personal Interview hmang a neih a ni a. Diltu mi pali awm in, Panel list-ah Raphael Lalruatfela, a pa Remruatdika, Bungkawn H/S Veng chu a awm a ni. Arunachal Pradesh Missionary atana lak thar Tirhkoh Lalduhsaka hian August ni 1, hian Joining report a pe ang a, Missionary tirhchhuahna inkhawm hi August ni 9 Pathianni zan hian Chawlhhmun kohhran Biak In ah General Missions Dept. chuan a buatsaih dawn a ni. General Missions Dept. Executive Board chuan Uttarakhand State-a Kristian tihduhna a nasat avang leh rawngbawlna a harsat tak em avangin, Missionary-te tan awm zui zel theih a nih tak loh avangin Field Pastor Moloy Doley chu an khaw lamah haw rih mai turin a rel a. A awm zel dan tur chu General Missions Dept. chuan a la ngaihtuah ang. Delhi Kishangarh-a Upa Lalthlamuana Hnamte te Flat, Kishangarh kohhran Biak In chung chiah a mi chu General Missions Dept. executive board chuan lei a rel bawk a ni. Heng bakah hian 1. Baruatila – Manikbond-a Bazar Bial Missions Dept. ten Biak In sak an tum chu an pawmpui a, 2. Upper Assam-a, Lamajan Kohhran Biak in, Aibawk Bial Missions Dept te bul tuma sak mek chu, sak Chhunzawm zel dan turte an rel bakah 3. Arunachal Pradesh Seppa Kohhran ram a Biak In, Field in sak hna an lo tan tawh chu sak chhunzawm dan turte an sawiho bawk a, executive Board thutkhawm hi Mizoram UPC Puipa ten an ho a ni.

Gen PYD

Documentation Committee General PYD Media & Documentation Committee te chuan a thawh 2- na atan July ni 21, Thawhtanni zan khan Media Awareness Campaign neiin Thuampui PYD te nen hun an hmang. He inkhawm hi Tirhkoh Lalhmachhuana, PYD Adviser chuan kaihruaiin, Secretary, M&DC hnen atangin report ngaihthlak anih bakah Upa Lalthathanga, Chairman, M&DC chuan Pathian thu a sawi a, Media tangkaina te, fimkhur tak leh tangkai taka hman a tul thute a sawi a. Inkhawm banah M&DC hmalak mekna reels, 'Kohhran kalphung puanchhuahna' lam hawiin, Thuampui PYD te nen hian shooting an nei bawk a ni.