HRUAITUTE PROGRAMME :
Executive Chairman Upa F. Lalremmawia chuan Sairang Bial Seminar cum Revival, Phunchawng kohhran a August ni 23 Pathianni hmanga neih tur a hmanpui ang a. August ni 22 Inrinni nileng hian Seminar a neihpui ang, Pathianni zan thleng Revival inkhawmah Speaker niin rawngbawlna a nei bawk ang.
Tarlan tawh thin angin Mizoram UPC ten Ram mut thla kan hman mek chu, Aizawl khawpui chhunga an hman dan te hmuhpui a Puipate fehchhuak thin chu, tunkar tawp hian hetiang hian Puipate’n Programme an siam chhunzawm,
Rev. Ngurthanpara Sailo, General Superintendent chuan Inrinni zanah Bazar Bial, Bazar kohhranah, Pathianni zanah Dinthar Bial, Dinthar kohhranah;
Rev. C. Lalawmpuia, General Secretary chu Pathianni zanah Bungkawn Bial chhunga Peniel kohhranah;
Rev. Rokhuma General Treasurer pawh Durtlang Bial, Durtlang Mel-5 kohhranah Pathianni zanah te hun an hmang dawn a ni.
Upa Lalnuntluanga Sailo Chairman General Sunday School Department leh Rev. Lalngaizuala, Secretary, General Sunday School Department te chuan tunhnaia tawhsual tawk Unaunu H. Ramdinpuii, Mualthuam N khua chu August ni 20, Zirtawpni khan General Sunday School Department aiawhin, an chenna inah ralna hun hmangin, sum fai an hlan.
General Sunday School Secretary Rev. Lalngaizuala hian August ni 22 Inrinni hian Headquarters Bial Sunday School naupang, Intermediate Dept. chin te Pathian thu zir hona a neihpui bawk ang.
--------------------------
AREA INKHAWMPUI NEIHNA TUR LEH HMANPUI TURTE:
Kumin Area inkhawmpui hmanna tur leh hmanpui turte lo tarlang ila;
October ni 9-11 chhungin Tuichangral Area leh Serchhip Area ten an nei ang a, Tuichangral Area ten Ruantlang Bialah neiin, Rev. Rokhuma General Treasurer in a hmanpui ang a, Serchhip Area ten Thenzawl Bialah neiin, Rev. Ngurthanpara Sailo General Superintendent in a hmanpui ang.
October ni 31-Nov 1 chhungin North Mizoram, Siaha, Hmarthlang leh Upper Myanmar Area te’n an nei bawk ang. North Mizoram Area hi Upa F. Lalremmawia, Executive Chairman leh Rev. C. Lalawmpuia General Secretary ten hmanpuiin Kanghmun Bialah an hmang ang. Siaha Area hi Niawhtlang Bialah niin, Rev. Gospelthanga Area Secretary in a hmanpui ang a, Hmarthlang Area hi Kolasib Diakkawn bialah niin, Rev. Rokhuma General Treasurer in a hmanpui ang. Upper Myanmar Area te hian Tahan Bialah an hmang ang a, Upa F. Lalremmawia Executive Chairman in a hmanpui bawk ang.
November ni 6-8 chhungin heng Hmarchhak, Khawthlang, Lunglei, Lawngtlai, Ramthar, Manipur leh Tripura Area ten an nei bawk ang. An neihna hmun tur leh hmanpui turte hetiangin;
Hmarchhak Area - Rev. Lalngaizuala, Secretary, General Sunday School Department, Sakawrdai Bialah
Khawthlang Area - Upa F. Lalremmawia, Executive Chairman, Chawlhhmun Bialah
Lunglei Area - Rev. Thangliansanga, Principal ATI, Lunglei South Bialah
Lawngtlai Area - Rev. C. Lalawmpuia, General Secretary Diltlang South Bialah
Ramthar Area - Rev. Rokhuma, General Treasurer, Shillong Bialah
Manipur Area Rev. Ngurthanpara Sailo, General Superintendent - Senvon Bial
Tripura Area - Rev. Andrew L. Singson, Secretary, General Missions Department - Manu Bial-ah te an ni dawn a ni.
BETHANI CHILDREN’S HOME SOCIETY BOARD MEETING :
Bethani Childrens Home Society Board meeting vawi 150-na chu tunkar August ni 19, Nilaini chawhnu dar 1:30 hian General Headquarters Committee Room, Zonuamah an thu khawm.
He an meeting hi Upa Lalduhawma, Chairman Bethani Children Home Society Board chuan kaihhruaiin, Kitchen cum Dining Hall cum Boys Dormitory Building sak mek chhunzawm zel dan tur te, Home mamawh thenkhat lei chungchang te leh Kum chanve infuihtharna neih hun tur leh neih dan turte chu an thurel langsar zual a ni.
Tun dinhmunah Bethani Children Home-ah hian naupang 32, Mipa 19 leh Hmeichhia 12 an awm mek a ni.
GENERAL PYD HRUAITU TE’N UNAUNU H. RAMDINPUII RALNA NEI.
August Ni 15, Inrinni khan PYD member Unaunu H. Lalramdinpuii, Mualțhuam 'N' khua, tunhnaia vanduaina tawka boral ta ralna hun chu General PYD hruaitute’n an nei.
He hun hmang tur hian General PYD hruaitute leh General PYD hnuai Committee peng ațangin mi sawmpahnih an kal a, August ni 6 leh ni 7-a Thu leh hla kutpui neih zawh taka Unaunu H. Ramdinpuii puala bawm dawh a thawhkhawm Rs. 74,000/- chu General PYD aiawh in Unaupa Reuben H. Lalbiakpuia, Treasurer GPYD in a hlan a ni.
