Area inkhawmpui hman chhoh mek zel a ni a.
November ni 6 Zirtawp zan atang khan Area 7 te chuan inkhawmpui an hmang a, Puipa te leh General Headquarters aiawh ten hmanpuiin, inkhawmpui hian November ni 8 Pathianni thleng a awh ang.
Khawthlang Area inkhawmpui hi Chawlhhmun Bialah nghah a ni a, Executive Chairman Upa F. Lalremmawia’n a hmanpui.
Lawngtlai Area inkhawmpui hi Rev. C. Lalawmpuia General Secretary chuan hmanpuiin, Diltlang South Bialah nghah a ni.
Ramthar Area inkhawmpui chu Shillong Bialah hman niin General Treasurer Rev. Rokhuma’n a hmanpui a.
Hmarchhak Area inkhawmpui hi Rev. Lalngaizuala, Secretary General SS Dept chuan hmanpuiin, Sakawrdai Bialah nghah a ni.
Tripura Area inkhawmpui chu Rev. Andrew L. Singson Secretary, General Missions Dept chuan a hmanpui a, Manu Bialah nghah a ni.
Lunglei Area inkhawmpui hi Lunglei South Bialah hman niin, Rev. HC Lalthlamuana Chairman L&PB chuan a hmanpui.
Manipur Area inkhawmpui Senvon Biala nghah chu Rev. T. Laldingliana, Lecturer ATI chuan a hmanpui bawk a ni.
General Missions Dept hnuaia North Eazstern India Area chuan November ni 6-8 Pathianni hmang hian Conference vawi 5-na Burachara Village, Lower Assam Missions Field-ah an hmang a, Upa Lalzirliana Chairman General Missions Dept. Chuan hmanpuiin, Upa Malsawmthanga , Chungtlang
Upa Robert Lalramchuana, Khamrang leh unaunu Mimi Vanlalhriati, Kolasib te chuan an tawiawm a ni.
GENERAL PYD
General PYD Executive Board chu November ni 5 Ningani zan khan Bawngkawn West Kohhran Biak inah an thu khawm a, September ni 26 PYD General Board vawi 28 - na an neih zawh tak thlirletna an nei.
General PYD Executive Board thutkhawm hi Upa Dr. Zonunmawia President, GPYD chuan a kai hruai a,
August ni 6 & 7, hmang a L&PB leh GPYD tangkawpin a buatsaih 'Thu leh hla kut pui' Dawrpui Multipurpose Centre a hman zawh tak thlirletna an nei bawk a,
PYD General Board in Kum 2027 - 2028 Kumpuan thupui tur a rel chu, a ziak tu tur leh ziah hun chhung, hmalak dan turte an sawiho bawk a ni.
General PYD Buatsaihin kum tawp ah General PYD hnuaia committee peng hrang hrang te nen a hun hman ho an rel a, Vairengte Bial a Rawngbawl tura General PYD hruaitute sawmna lehkha an dawn chu an ngaihtuah bawk a ni.
NORTH MIZORAM AREA
North Mizoram Area Inkhawmpui vawi 30-na tluang taka hman zawh a ni.
October ni 30, Zirtawpni zan ațang khan Kanghmun Community hall ah North Mizoram Area inkhawmpui hi hman ṭan a ni a, General Headquarters atangin Rev. C. Lalawmpuia, General Secretary chuan a hmanpui.
Inkhawmpui tan zan hian North Mizoram Area Superintendent Pastor C. Lalramnghaka'n inkhawm a kaihruai a, Kanghmun Bialtu Rev. H. Laltlankhuma’n inkhawmpui hlanna leh palai lawmna neiin, Unaunu K. Lalnunpuii, Bungkawn bial chuan zai rawngbawlna a nei a, Upa Saibuanga Sailo, bazar bial hnen atangin Pathian thu chah ngaihthlak a ni.
Inrinni nilengin rorel inkhawm Tk. H. Lalawmpuia, Area Chairman kaihhruaina hnuaiah an nei a,
1. Kum 2027 Area inkhawmpui chu Bethlehem Bial ah an nghat.
2. ZMC & H Falkawn hmuna kohhran hmalakna a Khualbuk sa tura ro relna sang zawk a thlente,
3. Member boral sun dan turah, Bial, Area leh Assembly inkhawmpuia sun tur thliar fel tura chunglam thlente
4. Area hmalakna a kum 2027-ah Tirhkoh 2 tal rawihte,
5. Area Crusade Committee dinte.
6. Crusade fund hmanga tirhkoh rawih dan tur mumal zawka kalpui tur rawtna leh an lawmman tihsan rawtna chung lama thlente,
7. General huap Board leh General Assembly a sitting Allowance pek țhin tih tawp rawtnate,
8. General Assembly rorel palai tih tlem rawtna te chu North Mizoram Area inkhawmpui ro rel langsar zualte an ni a.
Kohhran ro relna sang a thlen tur engemaw zat an passed bawk a ni.
North Mizoram Area inkhawmpuiah hian Inrinni zingah Tirhkoh licence dil ten exam an hmachhawn a,
Area chhunga Tirhkoh te, Rev. C. Lalawmpuia, General Secretary chuan seminar a neihpui bawk a ni.
N. Mizoram Area inkhawmpuiah hian Inrinni ro rello inkhawmah Tk. Zionramngaihzuala, Inrinni zanah Rev. V. Roṭhuamluaia, Bazar bialtu; Pathianni chawhma inkhawmah Rev. C. Lalawmpuia, General Secretary, Pathianni chawhnuah Upa Lalfima, Aibawk Bial leh Pathianni zanah inkhawmah Rev. C. Lalremsanga, Bethlehem Bialtu te'n thuhril rawngbawlna an nei a ni.
N. Mizoram Area chhungah hian Pastor Bial 7, Aibawk, Bazar, Bethlehem, Bungkawn, Headquarters, Kanghmun leh Reiek Bial te an awm a ni.
HMARTHLANG AREA
Hmarthlang Area chuan inkhawmpui vawi 31-na New Diakkawn Community Hall-ah Oct ni 30-Nov ni 1 chhung khan hlim takin an hmang.
Hmarthlang Area inkhawmpui hi Kolasib Diakkawn Bial ah nghah a ni a, Rev. Rokhuma, General Treasurer-in a hmanpui a ni.
Area chhunga Pastor, Tirhkoh leh Upa ten thuhril rawngbawlna an nei a, bial hrang hrang aṭang a ruat bik zai thiam ten inkhawm apiangin fakna hla an sa thin bawk a ni.
Inrinni ah ro rel inkhawm an nei a, Area huam chhunga hmalakna tur pawimawh tak tak bakah Ro relna sanga thlen tur agenda engemaw zat an rel a, Kum 2027 Hmarthlang Area inkhawmpui chu Kawnpui Bial ah an nghat a ni.
Hmarthlang Area huam chhungah hian Pastor Bial 7, Kawnpui, Kolasib Diakkawn, Kolasib Venglai, Bilkhawthlir, Vairengte, Bairabi leh Saipum bialte an awm a,
Area Secretary report-a a lan danin Hmarthlang Area huamchhungah hian kumin hian member thar 262 kohhranah lawm luh an ni a, kohhran ding thar 2-a awm bawk a ni.
Bethani Children’s Home Society Board
Bethani Children's Home Society Board chu Novemberni 5 Ningani khan Committee Room, General Headquarters Office, Zonuam ah an thu khawm a, Kum 2027 Budget an ruahman.
Bethani Board chuan Bethani Children’s Home Society a Memorandum Of Association (MOA) a Ex-Officio member nilai President GLAD leh President PYD te chu an mawhphurhna leh an dinhmunte ngaihtuah puiin, phurrit lutuk insiam theih ni a a lan avangin an aiawh tirh theih turin MOA Amend tura Executive Committee-ah thlen an rel a, Home Compound fencing siam chhunzawm te leh Park chei that an rel bawk.
Heng bakah hian Orphanage Sunday chungchang, Home tih hmsawnna tur leh Calendar siam chungchangte chu an thu rel langsar zualte an ni.
Upper Myanmar area
Upper Myanmar Area inkhawmpui vawi 26-na Letpanchaung-ah hlim taka hman zawh a ni.
Area inkhawmpui hi Oct. Ni 30 - Nov.1 Pathianni hmang khan neih a ni a, speaker bik awm lovin Area chhunga ruat ten thuhril rawngbawlna an nei a, Inrinni chhunah ro rel inkhawm an nei a, Pathian Thlarau awmpuina hnuaiah Upper Myanmar Area inkhawmpui hi hlim taka hman niin, Pathianni zan khan a tiak a ni.
