United Pentecostal Church
of Mizoram

Rev. Lalngaizuala, Secretary General SS Dept. chu August ni 28 Zirtawp zan atang hian Zemabawk South kohhrana Upa Lalthlamuana Hnamte te chhungkua Pathian chawimawina ah Speaker a ni dawn a. Pathianni zan thleng hian thuhril rawngbawlna a nei ang.

General PYD

General PYD Executive Board August ni 21 Zirtawp zan khan an thu khawm a, Mizoram UPC General Secretary rev. C.Lalawmpuia’n a ho. General PYD Executive Board thutkhawm hi Headquarters Kohhran Biak in, Tuikhuahtlangah neih a ni a, Upa Dr. Zonunmawia, President GPYD chuan kai hruaiin, Kum 2026 General PYD Board lo awm tura țul leh pawimawh; bawhzui ngai leh hma lakna tur hrang hrangte an sawiho a. Lungsen Bial leh Thingsulthliah Bial ațanga sawmna an dawn chu tihlawhtlin an rel bawk a ni.

HYSSOP RECREATION CENTRE BOARD

Hyssop Recreation Centre Board chu August Ni 27 (Ningani) zan khan Chanmari West kohhran Sunday School Hall-ah an thu khawm a, Upa Vanlaldinthara, Board Chairman chuan kaihruaiin, He hunah hian Secretary-in report a pe a.

Lungverh hmuna Hyssop Recreation Centre ram chu a hmun ngeiah kal chilha zir chian a nih thu te, society registration hma lakna pawh tluang taka kalpui zel a nih thute ngaihthlak a ni. Hyssop Recreation Centre Board chuan (master plan) ti danglam chuang lova, Assam Type-a Centre hmun zawla Building sak ruahmanna chu P&FB ah thlen an rel a, hma lakna leh ruahmanna kal mek tih hlawhtlin thuai a nih theih nan GLAD leh GPYD-te chu Recreation centre lam hawi budget an ruahman theih nan Planning & Financial Board ah thlen an rel bawk a ni. Hyssop Recreation Centre Board thutkhawm hi Mizoram UPC Puipa General Treasurer Rev. Rokhuma’n a ho a ni.

HMARCHHAK AREA

Hmarchhak Area Committee chu August ni 26 (Nilaini) Chawhnu khan Edenthar Kohhran Biak Inah an thu khawm a, an Area chhung a revival Team-te rawngbawlna thlir hovin, hmalakna tur pawimawh tak tak an sawiho.

Hmarchhak Area Committee thutkhawm hi Upa Vanlaldinthara, Area Chairman-in a kaihruai a. Upa C. Laldinsanga, Area Secretary hnen aṭangin Hmarchhak Area hmalakna hrang hrang report leh Kum 2025 Area Inkhawmpui rorel bawhzuina report ngaihthlak a ni a. Pastor Lalawmpuia, Area Treasurer, Rev. H.V. Lalzamlova, Hmarchhak Area Revival Board Chairman leh Upa Lalramsanga, Hmarchhak Area Revival Board Treasurer te chuan report an pe bawk a ni. Hmarchhak Area Committee chuan rawngbawltu an rawih lai mek, Tk. Zonuntluanga, Sailutara awm mek chu, a awmna Darlawn Bial ten an dil angin, a ṭulna hmun apianga rawngbawl an remtih sak a, Hmarchhak Area inkhawmpui Vawi 24-na programme te duangin, November ni 6-8 chhung hian Sakawrdaia hmuna an neih dawn a, tul leh pawimawh hrang hrang an rel bawk a, Hmarchhak Area hruaitu te hian Sakawrdai Bial tlawh thuai an tum bawk a ni. Hmarchhak Area Revival Baord hnuaiah hian Revival Team pahnih - Hodos Revival Team (Speaker - Tk. Andria Lalnunzira) leh Matthia Revival Team (Speaker - Tk. Anthony Lalhruaizela) te chuan Area chhungah rawngbawlna an nei mek a, revival team-te inpekna Area Committee chuan lawmawm an ti hle a ni.

Central India Area

Central India Area Conference hlawhtling tak a hman zawh a ni. August ni 14-16 Pathianni hmang khan Central India Area Conference chu Delhi Field, Janakpuri Biak In-ah hman a ni a.

General Misisons Dept. Secretary Rev. Andrew L Singsong chuan hmanpuiin, Agra Field, Uttarakhand Field leh Uttar Pradesh Field atangin palai mi 40 chuang inkhawmpuiah hian an tel a ni. Zirtawp zanah rorel inkhawm an nei a, Area hmalakna tur leh General lam a thlen tur Agenda pawimawh tak tak an rel a. Inrinni chhunah Seminar neiin, Rev. Andrew L Singson chu Resource Person a ni a, Kohhran inrelbawlna țha, sum leh pai vawn dan dik tih chungchangte leh rawngbawlna atana pawimawh tak tak an zirho a, kalkhawm ten an hlakwpui hle a ni. Inrinni zan atangin revival inkhawm an nei a, Pastor Aurobindo, UP Field Pastor Rev Andrew L Singson leh Pastor Nelson Vaiphei, Agra Field Pastor te chu Speaker an ni a. Central India Area Conference hi Pastor Koko Lalmalsawma Vaiphei, Area Supervisor chuan a kaihruai thin a, Inkhawmpui hi hlawk taka hmangin, revival a thleng nasa hle a. August ni 16 Pathianni zan khan a țiak a ni. Kum 2028 Central India Area Conference chu Agra Field ah nghah a ni.