United Pentecostal Church
of Mizoram

• General Treasurer Rev. Rokhuma chuan Chawlhhmun Bial SS inkhawmpui, September ni 6 Pathianni hmanga Ainawn kohhrana nghah chu a hmanpui ang.
• Rev. Lalngaizuala, Secretary General SS Dept. chuan Bawngkawn Bial SS inkhawmpui Bawngkawn Chhim Veng Hall-a hman chu Pathianni chawhma hian a telpui ang.
• Rev. Gospelthanga, Secretary Southern Zone chuan Lunglei south bial SS inkhawmpui Electric venga neih chu Zirtawp zan atang khan a hmanpui a, inkhawmpui hian Pathianni zan thleng a awh ang.

Live Crusade

Lawngtlai Area-ah Live Crusade buatsaih a ni dawn a, Executive Chairman leh General Superintendent-te chuan he hun hi hmanpuiin Speaker an ni ang. Mizoram UPC Executive Committee ro rel bawhzuiin Puipa Committee chuan September ni 12 leh ni 13 Pathianni hmang hian Lawngtlai Area New Vengpui Biak In Lawngtlai Bialah Live Crusade neih a ni dawn a, Upa F. Lalremmawia Executive Chairman leh Rev. Ngurthanpara Sailo General Superintendent-te chuan rawngbawlna an nei ang. Mizoram UPC Executive Committee thu rel angin, Live Crusade hi a tul dan ang zelin Mizoram UPC Area tinah buatsaih tum a ni.

Bethani Children’s Home Society Board

Bethani Children's Home-ah Naupangte Venhimna Dan zirho a ni.

August ni 1 Thawhlehni chawhnu dar 1:00 khan District Child Protection Unit atangin Protection Officer leh a team-te Sihhmui ah kalin, Capacity Building Programme, Bethani CHildrens Home a thawktu te nen an hmang a. Protection Officer Vanlalchhungi Resource Person a ni. He hun hi kohhran Puipa Rev. Ngurthanpara Sailo General Superintendent, Rev. C. Lalawmpuia General Secretary leh Rev. Rokhuma General Treasurer te chuan an ho va. Bethani Children's Home-a Staff-te an tel kim thei a ni. Capacity Building Programme -ah hian Naupangte venhimna Dan, Juvenile Justice (Care and Protection of Children) Act 2015 zirho a ni a. Naupangte dikna chanvo chungchangte leh POCSO te zirho a ni. Upa Lalduhawma, Chairman, BCHSB chuan he Programme hi kaihruaiin, Linda Lalnunhlimi Case Worker- in hunserh a hmanga , Home Superintendent Tirhkoh Lalnunthara hnen atangin Home report ngaihthlak a ni. He hunah hian Puipa te hnen atangin Home-a thawktute fuihna thu ngaihthlak a ni bawk a, Capacity Building programme hi he hun a kalkhawm te hian an hlawkpui hle a ni. Bethani Childrens Home-hi kum 2003 atang khan hawn tan niin, hawn ni atanga vawiin thleng hian Naupang 172 enkawl an ni tawh a. Tunah hian Naupang 32 awm mekin, Mipa – 20 leh Hmeichhia – 12 an ni.

GENERAL PYD

General PYD Media & Documentation Committee, General PYD te chuan an hmalakna kal mek bawhzuiin, August ni 31 Thawhṭanni zan khan Dinthar PYD an tlawh a, "Kohhran kalphung" Reels : Episode 4 shooting an nei nghal a ni. He hunah hian M&DC aṭang leh Dinthar PYD aṭangin report ngaihthlak a ni a. Upa Lalṭhathanga, Chairman M&DC chuan fuihna thuchah tawi sawiin, Social Media pawimawhna leh fimkhur taka kan hman thiam a tul zia te a sawi. General PYD M&DC feh chhuahna hunah hian Unaupa David Lalmawizuala, Asst. Secy. M&DC hnen aatngin Pathian thuchah ngaihthlak a ni.