United Pentecostal Church
of Mizoram

KUM 2027 GENERAL MISSIONS DEPARTMENT INKHAWMPUI CHU BAWNGKAWN BIAL AH NGHAH A NI

September ni 16 Nilaini khan General Missions Department chuan, Chairman Upa Lalzirliana kaihhruaina hnuaiah General Board Meeting vawi 6-na Mizoram UPC Office Conference Hall, Zonuamah an nei a, Puipa ten he hun hi ho vin, Rev. Ngurthanpara Sailo, General Superintendent chuan ro rel inkhawm hlanna a nei.

General Board chuan bawhzui atan Agenda 19 an pawm a. A langsar zual zingah Kum 2027 General Conference, Ocotber thla a Bawngkawn Bial a neihte, Kum 2027 ah Missions Field biak in sak tanpuina atan kohhran chhungkaw tinah cheng 100 khawnte, Missionary Chart siamte, Field lama thawktu ten Pathian thu Hindi tawng ngei hmanga an zir theihna tur ngaihtuah sak tura rorelna sanga thlente a tel a, heng bakah hian General Missions Manual Bu Revised and enlarged 2026 an pawm bawk a ni.

Missions Dept General Board chuan Kum 2027 Budget atan cheng Vaibelchhe li nuai sawmhnih pasarh leh singruk(4,27,60,000) an pawm a, hei hi kum 2026 aiin za zelah 6.50% in a pung a ni. General Missions Dept. inkhawmpui hi kum khat dana neih thin anih angin, Kum 2025 khan General Missions Conference chuan inkhawmpui Aizawl khawpui chhunga thlen dan tur rotation hetiang hian a lo ruahman tawh a. Kum 2029 - Chawlhmun Bial Kum 2031 - Headquarters Bial. Kum 2033 - Chaltlang Bial te chuan an thleng ang.

General Missions Department hnuaiah hian Area 5, Field 18 awm mekin, Kohhran 103 a ding mek a ni.