United Pentecostal Church
of Mizoram

PUIPA Committee

June ni 17 Nilaini a Puipa Meeting chuan, ruahmanna siam lawk tawh, June ni 30 a Pastoral Board neih tur leh Executive Committee July ni 1 a thutkhawm tur chu hrileng avanga kan hun tawn mekin a zir tak loh avangin thutkhawm neih hun tur sawn a ni a, Puipa thukhawm chuan Pastoral Board meeting chu July ni 22 khian a koh a, July ni 23 ah Executive Committee an thukhawm bawk ang.

GENERAL PYD

General PYD Executive Board meeting vawi 188 –na neih a ni.

Hrileng avang a mipui punkhawm a theih tak loh avangin June Ni 12 Zirtawpnizan khan General PYD Executive Board meeting vawi 188-na chu Online (Zoom) hmang a neih a ni a,

meeting hi Upa Vanlaldinthara, President chuan kaihruaiin, Puipate atangin Rev. C. Lalremsanga, General Superintendent leh Rev. HC Lalthlamuana, General Secretary-ten an telpui.

Meeting-ah hian General PYD hmalakna leh sum dinhmun bakah General PYD hnuai a Committee peng hrang hrang atanga report lo lutte thlirho a ni.

MUPC Planning & Financial Board atanga sum renchem tur a hriattirna an dawn chu, meeting chuan tul tak leh loh theihloh thil a nihloh chuan General PYD sum hmanchhuah rihloh nise a ti a,

GPYD hnuai a Committee pengte pawh sum renchem thei ang ber a hmang tur a hriattir ni se an ti bawk.

Meeting chuan Bial PYD-te hnenah sum renchem tak a hmang tur a ngenna tihchhuah nise an tibawk a ni.

Meeting-ah hian hripuiin harsatna a thlen avanga PYD Budget siamrem a tul dawn leh dawn loh ngun taka zirho a ni a, kumin a PYD hmachhawp neihte leh Budget kalphungte zirchian a nih hnuah Budget tidanglam lova kaltlangpui an rel bawk.

Heng bakah hian hripui avanga inkharkhipna kalpui mekin, Bial tam tak tan sum chhunluh kawngah harsatna a thlen mek chungchang chu sawiho a ni a. Sum hi Bialtu Pastor-te kaltlangin emaw, General PYD Account-a Internet Online hmang a transfer zel tur a inngen nise tihte an rel a ni.

General PYD in Lawngtlai hmun a Live Crusade neih tur a ruahmanna a siam tawh chu, ram dinhmunin a zirtak loh avangin thulh nise an ti a,

Literature & Publication Board (L&PB) nen a tangdun a ram pum huap Literature Meet nei tur a ruahmanna awm mek pawh thulhrih mai tura L&PB dawr nise an ti bawk.

Meeting-ah hian September Ni 23-a General Headquarters Office Conference Hall-a PYD General Board meeting neih tur atan a tul leh pawimawh hrang hrangte rel a ni bawk a, kum 2019 General PYD Inkhawmpui lianin a rel angin, kumin 2020 hian inkhawmpui lian aiah General Board neih a ni dawn a ni.

Bialtin PYD President theuhte chu Bial aiawh rorel palai an ni dawn a, President-te an remchang lo a nih pawhin Bial aiawh intir ngei turin Executive Board meeting chuan a rel a ni.

General Baord-ah hian Inkhawmpui lian ang bawk a report, agenda, budget-te a bu a buatsaih a nih dawn avangin bialtinin report, agenda leh sum peng chi hrang hrangte August thla ralhma a thehlut vek turin Executive Board hian Bial tinte a ngen a,

General PYD hnuai a Committee hrang hrang pawh budget leh report-te thehlut vek turin a ngen bawk.

Meeting chuan kan huntawn mek thlirin, Online hmang a rawngbawlna kalpui nise an ti a, rawngbawlna pakhat atan hian General PYD hmingin You tube channel changtlung tak neih nise an ti a,

Heng bakah hian kumin atan General PYD-in Seminar zirho tur a buatsaihte pawh Online kaltlang a zirna buatsaih vek nise an ti bawk.

General PYD hnuai a Social Wing Committee-in June ni 27 a Aizawl Civil Hospital tan a Aizawl khawpui chhung Bial hrang hrang pual a Blood Donation Camp a buatsaih turah, Meeting chuan Aizawl khawpui pawn PYD remchang apiangte pawhin thisen pe ve se a ti a, Executive Board member chinte chu hemi nihian kal vek turin a ngen bawk a ni.

Tripura District

Darchawi Bial Rasdhor khuaah pawh June ni 7 Pathianni khanTirhkoh Joseph Darlong chuan sakhaw dang atangin mi 3 Lalpa Isua hmingin baptismaa chantir a, Mizoram UPC ah lawmluh an ni.

Heng lawmluhte rual hian kohhran mi nisa 2 te chuan baptisma an chang bawk.

Hemi ni vek hian Kanchanpur bial Hazachera ah sakhaw dang atang vekin mithar pakhat Bialtu Pastor Biakhmunrema Darlong chuan Mizoram UPC ah a lawmlut a, baptisma chantir nghal a ni.

Kanchanpur Bial Bolera Biak In sak thar chu June ni 14 Pathianni khan bialtu Pastor Biakhmunrema Darlong chuan Pathian hnenah hlanin a hawng a, Biak In thar lawm nan hian ran talh-in kohhran hoten ruai an kil a ni.

Manipur

Manipur District a Kangvai khuaa tangin naupang pakhatin hlawhtlinna duhawm tak a chang.

Isaac Paul Lallungmuan S/o Evan Genkholien, Kangvai kum 2007 a piang, Kum 12 mi chuan Manipur Board of School Education hnuaiah Class 10 tha tak a zovin,1^stDivision-ah a passed.

Isaac Paul Lallungmuan hi kumin Manipur HSLC passed thei naupang ber a ni a, Manipur Chief Minister Biren Singh chuan lawmpuina thilpek a hlan a ni.

Hlawhtlinna changtu hi India News channel lian tak takte pawhin a an ngaihven a ni a, hetiang mibik kohhran atanga an awm hi Manipur District a kohhran hote an lawm hle a ni.

LUNGLEI 'S' BIAL

Lunglei ‘S’ Bial PYD hruaitute chuan June ni 3 (Nilaini) khan unaunu Lallawmpari, Ṭhangpui PYD chatuan ram pan ta chu an chenna inah ralna hun an hmang a, Bialtu Pastor-in a telpui.

Unaunu Lallawmpari ralna inkhawm hi Tk.Emmanuel Lalchhanhima, Bial PYD Secretary chuan a kaihruai a, Pastor B.Lalchhanhima'n Thlamuanna thuchah a sawi.

Bial PYD hmingin unaunu B.Lalramdinsangi, Bial PYD Treasurer chuan ralna thilpek a hlan bawk.

June ni 4 (Ningani) khan Pastor Quarters ah Lunglei 'S' Bial Committee an thukhawm a,

Meeting hi Upa PL Biakmawia, Bial Chairman chuan kaihruaiin,

Kum chanve Sum Audit neih hun leh hmun turte, Bial Inkhawmpui neih chungchangte, Department Inkhawmpui neih dan turte bakah Financial Board a thlen turte meeting-ah hian an ngaihtuah a ni.

Lunglei ‘S’ Bial chhung a Electric Veng leh Ramthar Veng Kohhrante chuan tunlai hian Biak In sak an chhunzawm mek bawk.

SAIRANG BIAL

Hrileng avang a Bial hranghrang ah inkhawmpui neih theih anih tak loh avangin Bial thenkhatah chuan rorel inkhawm chauh neih a ni a,

Sairang Bial pawhin June ni 6 Inrinni khan

Bial huap rorel inkhawm Phunchawng-ah an nei a, rorel palai ten tlai lamah chawhlui an kilho nghal a ni.

Sairang Bial rorel nachuan

Kum 2021 bial inkhawmpui chu Phunchawng Kohhranah a nghat a,

March Pathianni hnuhnung ber hmang khian an nei ang.

Kum 2022 General LAD Inkhawmpui thleng tur a General LAD-in a ngenna chu rorelna chuan a pawm bawk a,

Sihhmui Preaching point chu Kohhran puitling a hlankai a remti bawk.

Sihhmui Kohhran thar hi June thlachhung a Form nise an ti a, hmalak zel dan tur chu bial hruaitute kutah an dah a ni.

Zuk leh hmuam a thianghlimna bial in a kalpui mek chhunzawm zelte,

Nazareth hmun a Tirhkoh Quarters ah Steel Almirah dahte chu rorelna chuan a pawm bawk.

Sairang Bial rorelna chuan Kum 2020 Budget pumpui atan Rs. 27,09,558 (Nuaihsawmhnihpasarih, sang kua, zanga leh sawmnga pariat) chu a passed a ni.

MamitBial

Mamit Bial, Damdiai ah Ni 7 Pathianni khan sakhaw dang atangin member thar pakhat Mizoram UPC ah lawmluh a ni a, tihian Damdiai ah hian Lockdown chhungin mithar 14 sengkhawm an ni tawh a ni.

Mamit Bial Damdiai ah hian Khawthlang District chuan Tk. Lalmuantlinga chu rawngbawlturin a dah mek a, tunlai hian inkhawmna tur Biak In thar sa in hma an la mek bawk.

SIAHA BIAL

Siaha Bial Sunday School Department chuan Covid 19 hrileng avang a Inkhawmpui vawi - 11 na an neih theih tak loh avangin May ni 25 Thawhtanni khan

New Siaha Biak In ah rorel inkhawm a koh a, Rorel palai mi 22 an tel.

Rorel inkhawmah hian

Kum 2021 Inkhawmpui, Vawi 12 na tur chu, Thiahra Kohhran ah March Ni 26 - 28 chhung a neih turin ruahmanna a siam a,

Kum 2020 kum chanve Exam June thla a neihte,

Covid 19 hripui avanga Biak In hawn a theih loh chuan, In lam a Exam neih mai nise tihte an sawiho bawk.

Zirtirtu pualin Seminar neih nise tha an ti a, Seminar paper buatsaih tur leh bial chhung kohhran hrang hrang ah Seminar neihpui turin Bialtu Pastor F.Lalthakima chu an ruat bawka ni.

Siaha Bial PYD hmalakna in, Phura a Tirhkoh Quarters sak chu chhunzawm a Work Camp neih a ni a, Bialtu Pastor leh bial hruaitu mi 7 an thawkchhuak.

Quarters sak hna hi June Ni 1 - 5 chhung khan thawh a ni a,

Peih fel thawkhat a ni a, Bial hruaitute tan awm chilh reng theih anih loh avangin, Phura kohhrante chhunzawm turin an haw san a ni.

Phura-ah hian General Headquarters chuan Tirhkoh K.Lalthansanga chu rawngbawlin a dah mek a ni.

Tunah hianTirhkoh Quarters atan mi in luah mek a ni a, Upa J.Lalthianghlima New Siaha chuan Quarters luah man hi Thla tin a pe thin a ni.

June Ni11 Ningani khan C.Chite (Chhaingo nu) Rawmibawk a mi chu a boral a, Thiahra kohhran atangin member engemawzat vui turin an kal.

C.Chite hi Rawmibawk ah hian Mizoram UPC member awmchhun a ni a, a thihni thlengin rinawm takin Lalpa Isua Thuthlung a vuan a ni.

Siaha Bial tan channa nasa tak niin, Bial mipuite unaunu C.Chite hi an ui hle a ni.

Ni12 Zirtawpni khan New Siaha leh East II kohhran atangin Sumo pahnih hmangin member 22 bawr vel unaunu C.Chitevuiturin an kal bawk a,

Vuina inkhawm hi Upa. C.Lalropuia’n a kaihruai a,

Kohhran aiawhin Rev.H.Halai chuan thusawina hun a hmang bawk.

Bialtu PastorF.Lalthakima’n vuina hunserh a hmang a,

Tk.Lalnunthara’n thlanmual lamah hun a hmang thung a ni.

Thiahra Kohhran ten Unaunu C.Chite a dam lai leh a huntawp thleng a kuang kuah a, Rawmibawk khawtlangte hmuh ah pawh kohhran hmel mawi tak a an lantir avangin, Siaha Bialte an chungah an lawm hle a ni.

Barak Valley

June ni14 (Pathianni) chhun khan Barak valley Bial Pailapool a Unaupa Basan-a te nupa rawngbawlna kaltlangin Hmarkhawlien kohhran-ah mithar pakhat sengluh a ni a, Bialtu Pastor W. Amenthanga'n Lal Isua hmingin Baptisma a chantir a ni.

Ni 15 (Thawṭanni) khan Barak Valley Bial Headquarters chuan, HmarkhawlianTualchhung Biakin kawng siamna tur Sawrkar atanga sanction an hmuh chu bawhzuiin kohhrante an hnatlang a, member thahnemtak an thawkchhuak a ni.