General Missions Department
General Missions Department Executive Board meeting vawi 145-na, nihnih awh chu July ni 1 leh ni 2 khan Conference Hall, General Headquarters Office Tuikhuahtlangah neih a ni.
He meeting hi Upa Sawihlira, Chairman General Missions Department chuan a kaihruai a, Mizoram UPC Puipa ten an telpui.
Executive Board meeting-ah hian Home Mission Field a thawktute Quarters sakna tur ram lei chungchangte, Kohhran ram neih sa hung fel chungchang leh Biak In hmun tur lei chungchang bakah Danpui siam that rawtna thuneitu sang Executive Committee-a thlen turte ngaihtuah a ni a,
Meeting chuan Anudolung hmun a Biak In hmun ram lei nise an ti a, Manja hmun a kohhran ram pawh hung that nise an ti bawk.
Demaji Field Pastor Quarters thawmthat nan a property leina tur sum pek nise an ti bawk a, Executive Board Meeting-ah hian thawktute pay chungchang leh inkaihhruaina Manual By-law ennawn a ni a, siam that tul leh ngaite sawiho a a tul anga hmalak nise an ti a ni.
GENERAL PYD
General PYD Executive Board vawi 188-na in ruahmanna a siam, Social Media kaltlang a Seminar Paper zirhona chu a thawhkhatna atan June ni 24 Nilaini khan Mizoram UPC Studio-ah neih a ni a,
Upa Vanlaldinthara, President General PYD chuan ṭawngṭainain he programme hi a hawng a,
Pentecost ṭhalaite leh intodelhna tih thupui chu, a ziaktu Upa F.Vanlalchama’n Paper hawnna leh sawi zauna a nei a,
T.Upa Dr.Zonunmawia, Secretary, GPYD kaihruai, member ruat bikten sawihona hun an hman chhunzawm a ni.
He programme hi June ni 29 khan neih chhunzawn niin, Mipat hmeichhiatna kawng a thianghlimna tih thupui zirho a ni a, paper buatsaihtu Unaunu F.Lalneihthangi Assistant Secretary General PYD chu Resource Person niin, General PYD President kaihhruaina hnuaiah ruat bik ten sawihona hun an hmang bawk.
Seminar paper zirnate hi General PYD Official You tube Channel-ah en theih tur a dah a ni.
June ni 27 Inrinni khan Aizawl khawpui chhung a PYD te chuan mamawh apiangte hman tur in Aizawl Civil Hospital-ah thisen an pe.
Blood Donation Camp hi General PYD hnuaia Social Wing Committee-te buatsaih a ni a, he programme hi Hunserh hmang a hawn niin, Social Wing Committee Chairman Upa H.Lalbiaksanga’n a kaihruai a,
Upa, Vanlaldinthara President General PYD chuan fuihna thuchah tawi sawiin,, tawngtaina a nei a, thisen pek chhunzawm nghal a ni.
Blood Donation Camp-ah hian Aizawl khawpui chhung Bial 9 aṭang leh Sairang Bial atangin ṭhalai mipa 200 leh hmeichhia 64 , an vaiin mi 264 ten thisen an pe a ni.
General news
June ni 25 Ningani khan General Secretary, Mizoram UPC office chamber-ah unaunu Lalhlimmawii (Duati) pual a Mizoram UPC kohhranten țanpui na an thawhkhawm, Rs.1,15,680/- (Nuaikhat, singkhat, sangnga, zaruk leh sawmriat) chu unaunu Duati nu leh pate hnenah hlan a ni.
Tualpui kohhran PYD Treasurer unaunu Lalhlimmawii hi Zoram miputen kan hriat țawh angin misual kut tuar, a hmaiah na tak a hliam a ni a,
Amah lainat a khawngaihtuten a pual a tanpuina hi an thawhkhawm a ni.
Tripura District
Tripura District Twisama-ah June ni 21 khan sakhaw dang atangin ringthar mipakhat seng thar leh ani a, Bialtu pastor A. Vanlalpara Reang chuan Isua hming a Baptisma chantirin, Mizoram UPC-ah a lawmlut a ni.
Agartala Bial Gamchakobra ah pawh June ni 28 khan ringthar pakhat Tirhkoh Amarendra Debbarma chuan Isua hmingin baptisma a chantir a, Mizoram UPC-ah lawmluh a ni bawk.
Bairabi Bial
Bairabi Bial chhunga Kohhran pathumte chuan Biak In an sa mek a, Pastor Quarters sak mek a ni bawk.
Hripui avanga inkharkhipna kalpui chuan ei leh bar zawnnaah harsatna thlen mahse Bairabi Bial a Department hrang hrangte chuan General Headquarters-a Budget an neih angte an tlin vek a, Buhfaitham Budget pawh an tlak vek bawk.
Bairabi Bial in Sawmapakhat Budget an neih cheng nuai Sawmpasarih chu 84.13% an pe tawh bawk a, Bial chhung kohhrante an lawm hle a ni.
Bairabi Bial hian ATI leh Bethani Childrens Home tanpui nan mimal leh inkhawmpuia an pual atan a thawhlawm lakkhawm bakah Rs.3000 ve ve an hlan tel bawk.
January atang a June thla chhung hian Bairabi bialah mithar 13 sengkhawm an ni tawh a, heng lawmluh thar zing ah hian Isua hming a Baptisma an chan avanga inluahna ten harsatna an siamsak te pawh an awm a ni.
Heng unau harsatna tawk te chenna tur hian Bairabi Bial LAD President Unaunu Ramhlunin-te chhungkua chuan an inhmun chu a tul ang ahman atan kohhrante an hman tir a, unau lawmluh tak in luah tur neilo a awm mekte chenna tur sak nghal ani a, luah fel a ni tawh bawk.
SAIRANG BIAL
Sairang Bial chhung a Sihhmui Preaching Point ni thin chu June ni 28 Pathianni khan Kohhran puitling ah hlankai a ni a, Upa pakhat leh T. Upa pahnih ruat thar an ni.
Sihhmui Kohhran hruaitu atan ,
Chairman ah Tirhkoh A. Lalropuia
Secretary ah T. Upa Lianzathanga leh Treasurer ah T. Upa Rothangliana te thlanchhuah an ni a, Preaching point a nih lai a T.Upa awmsa pahnih te chu rin tel nghal an ni bawk.
Sihhmui kohhranah hian member 50 an awm mek a ni.
Sihhmui ah hian hun rei tak atang khan Sairang bial chuan rawngbawltu Tirhkoh ruaiin kohhran din an lo tum tawh thin a, harsatna tam tak karah nikum 2019 atang khan rawngbawltu rawih thar leh niin, Tirhkoh A. Lalropuia chu rawngbawl tur a dah a ni a, Pathian malsawmna changin Kohhran puitling din a ni ta a ni.
SIAHA BIAL
Siaha Bial chhung Rawmibawkah Siaha District Crusade Committee
( SDCC ) hmalakna in Tk.Lalnunthara'n rawngbawlna a nei mek a, thlarau bo sengkhawm tumin nasa tak a hmalak a ni.
New Siaha East II (Preaching Point) PYD te chuan June Ni 21 khan an Kohhran atanga Bihar hmun a Missionary hna thawk mek Tk.K.Lalhmangaiha tanpui nan Rs.2000 an hlan.
Siaha Bial inkhawmpui pawh Covid 19 avanga neih theih anih tak loh avangin,
June ni 30 Thawhlehni khan Siaha bial Inkhawmpui Vawi-23 na rorel inkhawm chu New Siaha biak In ah neih a ni a, Rorel palai mi 23 an kal.
Kum 2021 Bial Inkhawmpui New Siaha kohhran a ngahte,
Bial huap a sum vawn dan Account training neih nise tihte,
New Siaha East II Preaching Point chu Kohhran puitlingah hlan kai a, tul pawimawh lei nan a Appeal neih nise tihte leh
Pastor Quarters fund atan Rs.10,000/- dah nise tihte chu Siaha Bial rorel inkhawm in a pass te an ni a,
Kum 2020-2021 Budget pumpui atan cheng Nuai sawmhnih panga, singkhat leh sangruk (Rs.25,16,000/-) chu an pawm bawk.
Siaha Bial rorel inkhawm chu hemi ni vek hian tluang tak a neih zawh a ni.
