United Pentecostal Church
of Mizoram

Puipa

Rev C.Lalremsanga General Superintendent chuan September ni 27 Pathianni khan

Lungverh Kohhran Biak In sak thar tur Lungphum a phum a, Upa Lalzirliana Member Planning & Financial Board leh Upa R.Lalnunsanga Chairman Khawthlang District-te chuan an tawiawm.

Lungverh Kohhranin Biak In atana an hman lai mek chu General Headquarters in a lei sak a, Kohhran hmun pawimawh atan hman tum a ni.

Sub Office Lunglei

Kum 2020 ah hian hrileng avangin Kohhran hoten inkhawmna te nei theilo mahila

Rawngbawltute hmalakna zarah mithar sengkhawm mek zel a ni a,

Southern Zone, Area Secretary-in a enkawl mek huam chhungah pawh mithar thahnemtak Mizoram UPC ah seng an ni a, ram lak beihpui thlak mek zel a ni.

Mizoram UPC chuan Southern Zone huamchhungah hian Sub Office pakhat a nei mek a,

Pastor Bial 13 vilin, Area Secretary Rev. Dr. Ngurthanpara Sailo chuan a thutchilh, thawktu Office Assistant pakhat leh Driver pakhat an awm mek bawk.

Kum 2020 January ațanga September thla chhung hian Southern Zone Area ațanga Sub Office-in General Headquarters Office-a

Sawmapakhat a chhunluh zat chu ₹ 1,11,88,442/-(cheng nuai za sawmpakhat singriat sangriat zali sawmli pahnih) a tling tawh a ni

.

Southern Zone Area-a

Bialtu Pastor-te leh rawngbawltute thahnemngaihna a zarah

Mithar thahnemtak sengkhawm an ni a,

Cheural bialah – mi 30

Hmawngbu bialah - mi 30

Hnahthial Bialah – mi 7

Lawngtlai Bialah – mi 17

Lunglei S Bialah – mi 5

Mualțhuam North Bialah – mi 7

Niawhtlang Bialah – mi 15

Siaha Bialah – mi 92

Lunglei N Bialah – mi 10

An vaiin mi 213 Mizoram UPC seng luh an ni tawh a ni.

Southern Zone huam chhungah hian nau piangthar mi 39 an awm bawk a, Lungsen Bial Tlabung Kohhranah mi 21 Mizoram UPC nisa Bangladesh atanga pem thar an awm bawk a ni.

Press Board

Mizoram UPC Press Board chu Nilaini September ni 30 khan Conference Hall General Headquarters Office-ah an thukhawm a, hmalakna tur hrang hrangte an sawiho.

Meeting chuan Press in Lirthei a kawl mek Bike chu tih ral/Lilam a tum a,

Rs.20,000 aia tlem lovin October ni 15 ral hmain a chhan theih a ni.

MR -a rawih mekte chungchang pawh sawiho a ni a, nakkum 2021 chhung atan rawih chhunzawm an ni ang.

Press Board chuan lehkhabu bind-na khawl Perfect Binding Machine lei nise a ti a,

Kum 2021 budget atan Rs. 21,06,000 (Cheng nuai sawmhnih pakhat leh sang ruk) a ruahman bawk.

District

Covid 19 hrileng avangin hmun hrang hrangah Revival inkhawm neih theih a nilo a,

Mizoram UPC District 13 te pawh, Inkhawmpui dan pangaia hmang thei loin,

rorelna chauh an nei dawn.

October ni 2 Zirtawpni hian North Mizoram District rorel inkhawm chu Headquarters Biak In ah neih a ni dawn a, District dangte pawhin kar leh lam hian an nei ang.

Lawngtlai District

Dumzau (New model) ah Missions School tur sain work camp neih a ni.

Kum 2019 Mizoram UPC Executive Committee thukhawm chuan Lawngtlai district chhung Hmawngbu bial, Dumzau(New Model) khuaah school din a rel a, Mizoram UPC Education Board chuan hma la nghalin, School Managing Board a din a, anni hmalakna hian school building sa a workcamp hi neih a ni.

September ni 22-26 chhung khan Apostolic Missions School Building tur chu sak a ni a,

Lawngtlai atangin mi 9, Hmawngbu atangin bialtu Pastor nen mi 6 leh Lunghauka atangin mi 4-an thawkchhuak.

Workcamp chhung hian School chung, skirting leh bangrel te siam niin,

zawhfel thawhkhat a ni.

Hmawngbu Bial hian Work Camp neih hma atang tawh khan School sa in hma an lo la tawh a, hmabak khawih chhunzawm ngai, chhuat leh bang siamte pawh Hmawngbu Bial hian an chhunzawm ang.

Apostolic Missions School din tur hian L.A.D.C (Lai Autonomous District Council) atangin School din phalna permission tihfel tawh a ni a,

School hi Primary level-atanga bul tan tur niin, zirlai 50 atanga 70-vel awm thei tura beisei ni.

He school din a nih theih nan hian Unaupa C.Lalneihkhuma Lawngtlai Vengpui Kohhran a lawi, LADC-a Executive Member i/c Primary school ni bawk chuan theih tawp a chhuah a,

School Managing Board-te a chungah an lawm hle a ni.

Lawngtlai Bial chhunga Kohhran mipui thil phal tak tak ten, school in a mamawh tur thilpek thanem tak an pe bawk a, school managing board chuan lawmthu a sawi bawk a ni.

DILTLANG SOUTH BIAL

Diltlang South Bialtu Pastor Quarters chu tunlai hian Bial huap hnatlanga sak thin a ni a,

Building Committee, Bial hruaitute leh Diltlang Kohhran hruaitute awmna chuan chak takin Pastor Quarters sak hna hi a kalpui.

Kum 2019 July thla atang khan sak tan niin,

General Headquarters atanga tanpuina an hmuh, cheng nuai sawm (Rs 10 Lakhs) hmanga bul tan a ni a.

Building Committee chuan Mistiri-te chhawrin, an ni ruahmanna hnuaiah hian bial leh tualchhung Kohhrante chuan hnatlangin Pastor Quarters sak hna an thawk thin ani.

Diltlang South Bialtu Pastor Quarters hi a bang brick hmanga rem mek a ni a, Tukverh leh Kawngkhar chokut-te an vuah fel tawh bawk.

Bial chhung a kohhran mipuite in pekna a nasa a, kumin chhung ngei a peihfel hman an tum a ni.

SAIRANG BIAL

Sairang Bial PYD hruaitute chuan ruahmanna siamin, Bial chhung Kohhran tinah Tawngtai hona neih ani.

September ni 27 Pathianni khan Kohhran tinte chuan mahni Biak In theuhah tawngtaina hun an hmang a, Pathianni chhuna hmang an awm laiin zan lama Tawngtaina hun hmang an awm bawk.

Tawngtai inkhawmah hian thupui thlan bik 5 hmangin tawngtai rualna an nei a, hlawkthlak an ti hle a ni.

Ni 27 Pathianni vek khan Lungverh Kohhran chuan Biak In lungphum phumna an nei a, he hun hi Rev. C. Lalremsanga General Superintendent chuan telpuiin lungphum hi a phum a ni.

Pathianni zan vek hian Nazareth hmunah mithar pathum Mizoram UPC ah sengluh an ni a,

Lawmluh te hi unaute Lalthanmawii,

Ngurthanmawii leh Vanlilypuii te an ni.

Nazareth hmunah hian General Headquarters chuan rawngbawl turin

Tirhkoh Liansanglura a ruai mek a ni.

UPPER ASSAM FIELD

Upper Assam Field chhunga Malbok (Jonai) ah September ni 27 Pathianni khan Crusade buatsaih a ni a, Pathian thil tih theihna lo langin,

Ringlo mi, mi 15 lai mai, chhungkaw thumte chu Mizoram UPC-ah lawmluh an ni.

Crusade hi April thla a Mizoram UPC a lawmluh, Baptisma chang tawh chungkaw pakhatte chenna in ah neih ani a, hemite chhungkua hian Biak In sakna hmun tur ram Kohhrante an pe bawk.

Tunah hian Malbok (Jonai) hmunah hian Kohhran chhungkua Pali an awm mek a, ramlak beihpui thlak mek zel a ni.

Upper Assam Field ten Crusade an neih theih nan hian Serchhip Bial atangin hming thupin pawisa thahnemtak a pe a, a chungah Kohhran hote an lawm hle a ni.

Khawzawl Vengthar Bial

Khawzawl Vengthar Bial chuan Ni 26 Inrinni khan Bial inkhawmpui Rorelna tluang takin an nei.

Covid 19 hrileng avanga Revival inkhawm neih theih anih tak loh avangin Vengthar biak Inah rorelna chauh hi neih a ni a, rorel palai mi 39 an kal thei a ni.

Khawzawl Vengthar Bial inkhamwpui rorelna chuan

Kum 2021 Bial Inkhawmpui chu Chawngtlai kohhranah a nghat a, September Ni 21-23, 2021 chhung hian neih a ni ang.

Bial inkhawmpui thlengtu puihna tihsante,

Bial chhunga Senior upate chawimawina citation hlante,

Pastor Quarters-a carpet thar phahte,

leh Kum 2021 chhung a Leadership training Bial hmalakna a Tualchhung tin Kohhrana neihte chu rorel langsar zualte an ni a,

Heng bakah hian rorelna sang zawk a thlen tur agenda an passed bawk.

Khawzawl Vengthar Bial inkhawmpui rorelna chuan

Kum 2020-2021 budget pumpui atan ₹14,200/- a ruahman bawk.

Rorel inkhawmah hian Missions Department pual thawhlawm lak khawm a ni a, Bial PYD President-in Missions pual a ar sualhuai a thawh, sum a chantirte nen Missions Department pual hian thawhlawm ₹3,000/- hmuh ani.

Hemi ni vek hian Vengthar kohhrante chuan budget an neih angte an tlak nghal bawk.

Rorelni hian Bial LAD chuan Bible correspondent lawmman semna an nei a, a tuk Ni 27 Pathianni khan buhfaitham, tham tha lawmman an sem leh bawk a ni.

Khawzawl Vengthar Bial a Chawngtlai Kohhran chuan

September Ni 28 Thawhtanni khan an biak in hlui thiatin hnatlang an nei a,

biak in an sak mek chu peihfel thuai an tum bawk.

Khawzawl Vengthar Bial a Hermon kohhran leh Tualte kohhran te pawhin tunlai hian biak in sak hnatlang an nei ngawrh hle a ni.

Barak Valley

Barak Valley Bial Kangrengdor -ah ni 27 Pathianni zing khan kohhran dang aṭangin chhungkaw khat member 3 awmna chu Tirhkoh Lalthuthlunga’n Mizoram UPC ah a seng a,

A ni hi General Headquarters-in helai hmuna rawngbawl tura a rawih mek a ni.

Durtlang Bial

Durtlang Bial Committee chu

Ni 27 Pathianni khan Mualveng Kohhran Biakinah an thukhawm a,

Hmarchhak District inkhawmpui an thlen tur chungchangte an ngaihtuah.

Bial Committee chuan Hmarchhak District Inkhawmpui rorelna chu Durtlang Mel-5 Kohhranah a nghat a, November ni 5 Ningani ah neih ani ang.

Hrileng avanga Inkhawmpui hrang hrangte Revival programme hman anih theih tak loh avangin Bial Committee chuan kum 2020 bik a bial chhung department te hnena budget a lo pek tawh chu a hnukkir bawk.

Kumin atana budget ruahman tawh chu Bial Committee chuan ennawn in tualchhung hrang hrangten budget an neihte a tihhniam sak bawk a ni.

Durtlang Bial Silver Jubilee Organising Committee hnuaia Souvenir Committee te chu ni 29 Zan khan Durtlang Mel-5 Kohhran Sunday School hall ah an thukhawm a, Jubilee pual a Souvenir buatsaih dan turte leh hma lak tawh chinte thlir hoin, hmalak zel dan tur leh thu pawimawh tak tak an rel a ni.

Bethlehem Bial

Bethlehem Bial a Salem Veng PYD te chuan ṭawngṭai inkhawmna hun an hmang.

September ni 30 Nilai zan khan Salem Veng PYD te chuan Pathian Thlarau hruaina beiseiin mi -18 Biak In ah an kal khawm a, Unaupa Lalvena ATI Zirlai Graduate chuan inkhawm a kaihruai.

Damlo harsatna neite tan, Hripui leng avanga Kohhranten harsatna kan tawh loh nan leh Kristmas him leh lawm taka kan hman theih nan tih thupui hmangtein tawngtai rualna an nei a ni.

Inkhawmna ah hian Salem Veng PYD-te chuan an member ATI atanga Bible zir zo Unaupa Lalvena chu lawmpuina Citation an hlan nghal a ni.

KOLASIB VENGLAI BIAL

Kolasib Venglai Bial Tumpui Kohhran chuan tunlai hian Biak In sak hna an kalpui mek a, Building committee hmalaknain kohhran hoten hnatlang an nei thin a ni.

Department hrang hrangte pawhin Budget an neih angte tlin ngei an tum a,

sumtuakin nasa takin hma an la a, PYD ten Slab chhun leh Group angtein inchhung bungrua an zuar thin ani.

Missions Department leh LAD te pawhin sum tuak nan a theih ang angin hnatlang an nei thin bawk.

Kolasib Venglai Kohhran Ruai Committee-te chuan Krismas leh Kumthar lawmna tur atan hma an la mek a, Krismas thing tur te ek in, Venglai Biakin kawtah hnatlang an nei thin a, thawk chhuak an thahnem thei hle a ni.

Hmar veng Kohhran te chuan September thla tir atang khan Beihrual hmangin, Bialtu Pastor leh Bial hruaitu bakah mi thahnem ngaiten an tel pui thin a,

Hlawkthal an tiin, tluang takin an nei zo thei a ni.

Bukvannei Kohhran pawhin Biakin an sa tha mek a,

a ban leh a beam te an chhung zo tawh a ni.

Kolasib Venglai Bial chuan Inkhawmpui rorel bawhzuiin Bial Media i/c hman atan Camera tha tak an lei bawk.

KAWRTHAH BIAL

Kawrthah kohhran te chuan July Ni 8 atanga kohhran inkhawm hun a piang a Home Crusade an neih thin chu Ni 30 (Nilaini) zan khan a kharna hun Pastor Quarters ah an nei a,

kohhran Committee bak ah member thahnemtak an inkhawm thei a ni.

Kawrtethawveng kohhran ah Ni 27 (Pathianni) khan Bialtu Pastor RT Rodingpuian mithar 7 Kohhran dang ațangin a lawmlut a,

mi 2 in Lalpa Isua hmingin Baptisma an chang a, Nau 5 Pathian hnenah hlan an ni bawk.

Bialtu Pastor hi Kawrthah ațangin Upa Hrangthanliana Bial Chairman in a țawiawm a ni.

Kawrtethawveng kohhran ah hian TK Zionramngaihzuala Venghlui chu Bial kohhranpuiin rawngbawl turin a ruai mek a, December thla thleng rawih tur a ruahman a ni.

KHAWZAWL VENGPUI BIAL

Khawzawl Vengpui Bial a Lungvar Kohhran chuan

September Ni 7 Thawhtanni khan Biak In lungphum an phum.

Biakin lungphum inkhawm hi kohhran chairman Upa Mankunga'n a kai hruai a, Bialtu Pastor J.Zothansanga'n lungphum hi a phum a ni.

Lungvar kohhrante hi Vengpui kohhran atangin February ni 19 khan an in dang a, member 38 awm mekin, Biak In sak tur hi A dung 36ft A vang 24ft a lian a ruahmanna siam ani.

Biak In lungphum phum zawh atang khan Kohhran hote chu nitin an hnatlang thin a,

center beam zatve chhung zo tawhin, October ni 1 khan an zo fel a ni.

Lungvar Kohhran hian biakin ban an chhun lai hian Isua Zirtir 12 te hming lung hmang a siam chu an phum vek a ni.

September Ni 28 Thawhtanni khan Lungvar kohhran te hian Upa K. Lalthantluanga, (Zonuam) Lo ah buhsengin an hnatlang bawk.

Delhi Kohhran

Delhi Kohhranah Covid-19 hri vei, tawngtaina atangin damna chang.

Damlo hian harsatna a neih atangin Tirhkoh Ramhmingthanga chu bia in, tawngtaipui a ngaih thute a hrilh a, thawkna lamah harsatna a neih tak zel avangin Covid Care Centre-a dah luh ani.

Tirhkoh Ramhmingthanga hian tawngtaina in a um zui reng a,

Ni 29 zan khan Damlo hian Tirhkoh chu be lehin, phone kaltlangin tawngtaina neih ani a,

Pathian hnathawh lo langin, October ni 1 khan Test result chu a negative ta ani.

Tawngtaina kaltlanga damlo tihdam a ni hi Delhi Kohhran-te an lawm hle a,

Pathian ropuina leh a mite min hmangaih zia a lang nasa hle, Pastor Jonathan Lalromawia, Delhi chuan a ti a ni.