United Pentecostal Church
of Mizoram

PUIPA

General Superintendent Rev C.Lalremsanga chu Ocotober ni 18 hian Thiak Kohhran Aibawk Bial tlawhin a zinchhuak ang.

General Missions Secretary

Rev Pc Laltanpuia Secretary, General Missions Department chu ni 16 Zirtawpni hian Bilkhawthlir Bial a tlawh dawn a, ni 17 Inrinni a Bilkhawthlir Bial PYD Silver Jubilee lawm tur a hmanpui ang.

General Missions Department Secretary hian Bilkhawthlir Bial bakah Kolasib Venglai leh Kolasib Diakkawn Bialte a tlawh dawn a, Mission Campaign a nei dawn a ni.

General Missions Department

General Missions Department Executive Board chu October ni 9 khan Conference Hall, General Headquarters Office-ah an thukhawm a,Upa Sawihlira, Chairman chuan a kaihruai.

General Missions Department rorelna sang chuan ramthim a rawngbawlna zau zawk neih dan tur leh hmalakna kalpui mekte an thlirho a,

General Board thutkhawm neih hun turte an ruat fel a ni.

General Missions Department General Board meeting chu November ni 4, 2020 hian Conference Hall, General Headquarters Office-ah neih a ni dawn a, he hunah hian Missions Area Supervisor-te pawh tel tura sawm an ni.

Meeting chuan General LAD in Missionary te puala an luanchhuahna sum Rs.140,000 an hlan chu Home Mission Field-a semchhuah dan turte a ruahman bawk.

General Missions Department Executive Board chuan Field a thawktute lawmman pawh ennawnin, siam rem ngai awmte a siam tha a, thawktu pahnih an awmna Grade atangin a kaisan tir bawk a ni.

Heng bakah hian Field chhunga Biak in hmun, thawktute quarters leh property chungchangte pawh sawiho a ni a, hmalak dan tur leh thawm that ngaite tanpuina pek dan turte an rel bawk.

General Missions Department Executive Board meeting hi Puipate, Rev.C.Lalremsanga General Superintendent, Rev Hc.Lalthlamuana General Secretary leh Rev.Gopelthanga General Treasurer-te chuan an telpui a ni.

Hun engemaw chen Covid 19 hrileng avanga thawktuten rawngbawlna an chhunzawm theih loh hnuin, Missionary Lalmuanpuia Vaiphei chu rawngbawlna chhunzawm turin Meluri Nagaland Field ah a let leh tawh a, Missionary Robert K.Singson pawh a rawngbawlna hmun Chhatishgarh a thleng leh tawh a ni.

unaunu Rosangliani Birpara Missions School-a thawktu pawh, Birpara a pan thuai beisei a ni.

Planning & Financial Board

Planning & Financial Board chu October ni 13 Nilaini khan Conference Hall, General Headquarters Office-ah an thukhawm a,

Upa J.Lalramliana Chairman, P&FB kaihhruai meeting chuan kohhran hmalakna tur hrang hrang an sawiho.

Mizoram UPC hnuaia Pastor Bial, Department leh Committee/Board te hmalakna leh in enkawlna tur atana sum sanction ngaite meeting-ah hian sawiho ber a ni a,

Pastor Quarters sak tanpui nan Rs.12 Lakh pekchhuah a remti a, ATI Hostel sak chhunzawm na turte, M&PB in mamawh leina tur an thlente leh General Headquarters Office-a mamawh hrang hrang leina tur ruahmanna awmte chu meeting chuan a pawmpui a ni.

Planning & Financial Board meeting-ah hian Mizoram UPC Puipate, Rev C.Lalremsanga General Superintendent leh Rev Hc.Lalthlamuana General Secretary te chuan an telpui a, Rev Gospelthanga General Treasurer hi Planning & Financial Board Secretary a ni nghal bawk.

General LAD

General LAD chuan October ni 14 (Nilaini) khan General Missions Department leh Bethani Childrens Home Society tan a an luanchhuahna sum chu General Headquarters Office-ah an hlan.

He hun hi General Superintendent Office-ah neih a ni a,

General LAD hruaitute Laldingliani President, Vanlalchhuangi Vice President, Lalromawii Secretary leh C.Zoramchhani Treasurer-te an tel kim theia,

General Missions Department puala luanchhuahna Ramthim puan or sum atangin Rs.1,64,340/- leh Missionary tanpuina Rs. 1,40,000/- a vaiin

Rs. 3,04340/- chu General Missions Department hnenah an hlan a, Rev Pc.Laltanpuia Secretary chuan a dawng a ni.

General LAD te hian Bethani childrens Home tanpui nan,

member 1-a Rs 30/- an khawn tling khawm Rs 2,25,675

leh Chaw ei ai an lakkhawm Rs. 85,820/-

a vaiin Rs 3,11,495 chu Bethani Children Home Superintendent Lalnunthara hnenah an hlan bawk a ni.

Bethani Children’s Home enkawlna atan hian Gen LAD te chuan Rs 4,00,000/- an lo pe tawh bawk a, tihian kumin chhungin Bethani Childrens Home hi Gen LAD hian Rs 7,11,495/- an hlan tawh a ni.

Media & Publicity Board

October Ni 12 Thawhtanni khan Media & Publicity Board an thukhawma,

Media kaltlanga rawngbawlna zau zawk neih dan turte an sawiho.

Meeting hi Rev H.Lalrawnkima, Chairman M&PB chuan a kaihruaia, Puipa Rev C.Lalremsanga General Superintendent leh Rev Gospelthanga General Treasurer te chuan an telpui.

M&PB chuan Television Network leh YouTube lama Pentecost Channel-a pek chhuah tur Career awareness/Guidance Programme buatsaih a rel a, panellist-ah Dr.Zonunmawia Asst. Professor, Department of Political Science Pachhunga University College, Dr. Daniel Lalawmpuia Asst. Professor, Department of Economics Pachhunga University College, Dr. Isaac Lalremruata, Medical Officer N.Kanghmun PHC leh John Zothansanga Sports Writer, Vanglaini Daily Newspaper te an ni dawn a, zawhna neite tan, zawhna thehluh hun siam a ni.

Heng bakah hian

Pathian thu leh fakna hla hmanga inpawlhona (Worship service) buatsaih an tum bawk a, MUPC Kohhran hmalakna leh chanchinthar puanna Kartawp news chhuah hun tihdanglam niin, Inrinni ah pek chhuah a ni tawh bawk ang.

Keifang

Keifang Bial a Tualbung kohhranah, mithar sengkhawm chhunzawm zel a ni a, October Ni 10 Inrinni khan kohhran dang atangin mithar pakhat Bialtu Pastor C.Lalramnghaka'n Mizoram UPC ah a lawmlut.

Tualbung kohhran ah hian Bial chhung miṭhahnemngaite leh Unaunu Lalṭhazuali (Chawlhhmun) te chuan rawngbawlna an nei mek a, Pathian hnathawh lo langin mithar sengkhawm mek zel an ni.

Tualbung ah hian

Ni 11 (Pathianni) khan Tahreuh kàwnah Mual inkhawm buatsaih a ni a,

Unaunu Lalthazuali’n rawngbawlna a neih chhunzawm a ni.

Keifang Bial chhungah hian ramlak beihpui thlak chhoh mek a ni a, dodalna leh harsatna karah huaisen chhuahin, Bialtu Pastor, Bial hruaitute leh kohhran mipuiten hma an la mek zel a ni.

Siaha District

Kum 2020 Siaha District inkhawmpui chu tluang taka neih zawh a ni.

Mizoram UPC rorelna sang, Executive Committee-in ruahmanna a siam ang in,

Siaha District inkhawmpui chu vantlang inkhawm revival tellova rorelna chauh hmanga neih a ni a,

District Committee in rorelna keng tlangin, palai an kal kim thei a ni.

Kum 2021 District inkhawmpui chu November Ni 5-7 hmangin Thiahra Kohhran, Siaha bialah nghah a ni a,

Speaker bik neih an rel bawk.

Siaha District Crusade Committe chu kalpui chhunzawm zel tur a ni a,

Kum 2020-2021 SDCC fund atan District chhung a Kohhran tinah appeal neih an passed bawk.

Mizoram UPC Media and Publicity Board rawtna, Executive Committee in Social Media leh a kaihhnawih hman chungchanga ruahmanna a siam chu Siaha District chuan zawm anih ngei theih nan chak taka bawhzui an tum a ni.

Heng bakah hian Amotlah Kohhran tanpui nana Budget siamte, zuk leh hmuam do kawnga hmalak zelte leh District hruaituten Siaha District chhunga Bial zawng zawng tlawh chhuahte an passed a ni.

Siaha District inkhawmpui rorelna chuankum 2020-2021 Budget atan ₹ 1,06,052 ( Nuaikhat, Sangruk leh Sawmnga Pahnih) a ruahman bawk.

New Siaha Kohhranah

October ni 13 Thawhlehni zan khan mithar pakhat kohhran dang atangin lawmluh a ni a, bialtu Pastor. F.Lalthakima’n Lalpa Isua hmingin Baptisma a chantir nghal a ni.

New Siaha Committee chu ni 13 zan khan an thukhwm

bawk a, Siaha District inkawmpuiin bawhzui tura a pekte an ngaihtuah.

District chhunga rawngbawlna, chak zawka kal pui tura Siaha District Crusade Committee (SDCC) din chu chhunzawm zel ani dawn a,

Rawngbawlna atana Kum 2020 - 2021 fund tur chu Tualchhungah thahnem ngai a bialtu upa ten appeal na nei turin a rel a ni.

SDCC sum hmang hian Siaha bial chhung Amotlah kohhranah Tk.Lalnunthara Thuampui Aizawl chu rawih mek a ni.

Thiahra Kohhran te chuan October Ni 10 Pathianni hmang khan Amotlah kohhran an tlawh a, inpawlhona hlawk takin an nei a ni.

Amotlah Kohhran ah hian Ni 10 Inrinni khan mithar pakhat seng leh a ni a, Tirhkoh Lalnunthara'n Lalpa Isua hmingin Baptisma a chan tir a ni.

Tunah hian Amotlah kohhranah hian Tirhkoh Lalnunthara leh Omega Lalhminghluna te chu rawngbawlin an awm mek a, Mizoram UPC member 80 an awm mek a ni.

Zemabawk Bial

Zemabawk Bial Inkhawmpui chu October ni 10 Inrinni khan

Zemabawk Biak In ah neih a ni.

Kum dang anga revival inkhawm neih theih anih loh avangin, rorelna chauh neih a ni a,

Kum 2021 Zemabawk bial inkhawmpui Zemabawk North kohhranah nghah a ni a, Pastor Quarters Repair nan Rs 20000 (singhnih) budget an ruahman bawk.

Zemabawk Bial inkhawmpui rorelna chuan kum 2021 chhungin Bial chhung a kohhran tinah Leadership training buatsaih a tum bawk a,

Bial huap Revival Zemabawk kohhranah neih a ni bawk ang.

Kum 2021 Budget pumpui atan Zemabawk Bial rorelna chuan Rs 2,875,000 a ruahman a ni.

Nagaland Field

Nagaland Field Meluri Kohhranah October ni 11 khan Field huap a chaw nghei tawngtaina neih a ni a, Pathian malsawmna thlengin mithar pakhat seng a ni.

Member thar hi Unaunu Samphishi (kum 64) mi a ni a, a hun hmasa lama Sakhaw mumal neilo leh kum tamtak chhung thlarau sual nen a in zawl thin a ni.

Chaw nghei tawngtaina hmanga revival neih chuan rah duhawm tak neiin, Pathian thuthlung a hmu ta a ni.

Mi thar sengluh rual hian mi pathum in Lalpa Isua hmingin Baptisma an chang a, field pastor Lalmuanpuia Vaiphei chuan mithar sengluh inkhawm leh Baptisma rawngbawlna hi a nei a ni.

Kanchanpur Bial

Kanchandpur Bial Khakchangpara ah pawh ni 11 Pathianni khan kohhran dang atangin mi pakhat chu Tirhkoh Lalfakzualan baptisma chantirin Mizoram UPC ah a lawm lut bawk.

SAIRANG BIAL

Sairang bial PYD Silver Jubilee Committee te chuan Jubilee puala lung buatsaih chu an phun.

October Ni 10 Inrinni khan Bial PYD hruaitute leh Jubilee Committee Office Bearer-te hnatlang a thawkchhuakin, Sairang Bial Headquarters Biak In tualah Jubilee lung hi phun a ni a, hemi ni vek hian Bial Inkhawmpui rorelna bawhzuiin, Sihhmui khaw chhungah Thuthlung lam hawi Hoarding an tar bawk.

Sairang Bial PYD chuan Silver Jubilee lawmna hi ruai nen ropui taka buatsaih an tum a ni.

SENVON BIAL

Senvon leh Lailak kohhran te chuan October ni 12 Thawhțanni khan ran talhin Buh thar lawmna ruai an buatsaih a, revival nen inkhawmna neih chhunzawm a ni.

Senvon bialah hian Kohhran 3 a awm mek a, Kohhran pahnih hi Senvon khaw chhungah an awm a ni.

Kum 2020 chhunga Senvon Bial in Sawmapakhat tih loh budget an neih hrang hrangte an pe tla vek tawh a, Sawmapakhat budget pawh tlak tumin hma an la mek a ni.

Senvon bialah hian kumin chhungin mi thar 17 sengkhawm an ni tawh a,

Ramlak beihpui pawh chhunzawm zel a ni.

Upper Assam Field

Upper Assam field-ah October ni 12 khan ringlo mi chhungkaw khat mi pathum awmn chu Lalpa Isua hminga Baptisam chanter an ni a, Mizoram UPC-ah sengluh an ni.

Mithar lawmluhna hi September ni 27 a Crusade buatsaihna hmun Malbokah khan ani a, tihian Mizoram UPC chhungkaw panga an awm ve ta ani.

Upper Assam field-ah hian Tezpur, North Lakhimpur leh Demaji Field-te a awm mek a ni.

KANGHMUN BIAL

Kanghmun bial Sunday School Department pawhin October ni 10 khan Lungphun kohhranah Bial Inkhawmpui rorelna tluang takin an nei.

Inkhawmpuiah hian rorel palai an kal tha hle a,

Kum 2021 Sunday School inkhawmpui chu Ramthar Hreichukah nghah a ni a, nakum atang hian rotation-a inkhawmpui thlen a ni tawh ang.

Kanghmun Bial SS Department chuan kum 2021 Budget atan Rs 208,000 a ruahman bawk.

Rorel ni hian tlai lamah palai ten zan riah an kilho nghal a ni.

Durtlang Bial

Ocober Ni 11 khan Durtlang Bial Silver Jubilee Organising Committee an thukhawm a,

Covid 19 hrileng avangin Silver Jubilee lawmna kalpui tum mek chu thulh a ni a, Jubilee pual Souvenir tlang zarh inkhawm erawh November ni 29 hian an nei ang.

Standard operating procedure (SOP) zawm chungin hemi atan hian ruahmanna an siam bawk.

Durtlang Bial Sunday School Department chuan, SS Inkhawmpui neih theih anih tak loh avangin Online hmanga intihsiakna naupangte tan an buatsaih a, Category I&II ah țhen in, Solo leh Recitation ah te inelna kalpui a ni.

Heng intihsiakna endik tur hian kum 2020 SS inkhawmpui a endiktu atana ruat te hman nghal an ni.

Online hmanga intihsiakna hi SS naupang, nu leh pa, zirtirtu ten an hlut hle a, intihsiakna a tel pawh an thahnem hle.

Category tinah lawmmnan 1na-3na siam a nih bakah, a tel zawng zawng te consolation prize pek vek an ni.

CATEGORY 1 Recitation intihsiakna ah hian

Michael Lalramchhana, Durtlang Mel-5 chu pakhatna a ni a,

Esther Lalthlamuanpuii, Durtlang Ramthar chu pahnihna niin

Jenny Lalpekhlui ,Durtlang Mel-5 chu pathumna a ni bawk.

SOLO ah hian Jenny Lalpekhlui, Durtlang Mel-5 pakhatna a ni a,

Lalngaihawma, Durtlang Mualveng chu pahnihna a ni.

CATEGORY 2 recitation intihsiakna ah hian

Lalthanzuali, Durtlang Mualveng chu pakhatna niin

Vanlalthasangi, Durtlang Ramthar leh

Vanlalhmangaihi, Durtlang Mualveng ten an dawt bawk.

Category II solo ah hian

Joseph Lalringngheta, Durtlang Ramthar pakhatna a ni a,

Vanlalrinpuii, Durtlang Mel-5 leh Lalrinsanga, Durtlang Ramthar te pahnihna niin Vanlalhmangaihi, Durtlan Mualveng chu pathuman a ni.

NC Hills Bial

Muolhoi Kohhran (NC Hills Bial) ah Baptisma le Nau hlan Rawngbawlna neih ani.

September ni 27 (Pathianni) khan Muolhoi Kohhran Sunday School Hall ah baptisma rawngbawlna hi neih a ni a, mi paruk in Lalpa Isua hmingin Bialtu Pastor C.Lalbelhliana kut ah Baptisma an chang a,

Rev. Hrawngkhawlal Thiek chuan naupang pakhat Pathian hnenah a hlan bawk.

Baptisma chang zinga pakhat chu Mizoram UPC ah Bialtu Pastor C.Lalbelhliana'n a seng bawk a ni.

October ni 11 (Pathianni) khan Lalpa Isua hminga Baptisama chang tawh Kohhran dang a mi chu Miozram UPC-ah lawmluh a ni bawk.

NC Hills Bial-ah hian

Covid-19 Hripui avanga March ni 21 atang a Biak in khar chu

Lockdown thlah dul anih tak avangin mi 100 chin inkhawm phal sak an ni a, October ni 3 zan atang khan Biak In hawngin Kohhran ten inkhawmna an nei ṭan leh ta a ni.

Kohhran committee chuan Department tin te inkhawm pawh kalpui anih theih nan ruahmanna a siam bawk.

Dinthar Bial

Dinthar Kohhran te chuan kum 25-na Mei det an nei.

Covid 19 avangin Dinthar kohhran te chuan silver Jubilee lawmna tura ruahmanna engemaw chen an kalpui tawh chu an hmang theilo.

Silver Jubilee lawmna kalpui theih nilo mahse Dinthar Kohhran te hian Ocotober ni 14 Nilaini zan khan an Biak In kawtah Jubilee meidet nah un an hmang a, hunserh hmangin Jubilee Organising Committee Treasurer Upa C Lalramsiama’n a kaihruai.

Hemi zan hian Jubilee inbuatsaihante Tirhkoh C Lalramngaia’n report a ape a, Jubilee puala siam, Pop Socket, Book Mark leh Key chain tlangzarhna Rev. Thangliansanga Principal ATI chuan a nei bawk a ni.

Jubilee pual hian Sky Lantern chhuah a ni a, Jubilee Meidet na hi Rev. F Lalhmachhuana chuan a nei a, Rev. F Rothianga’n malsawm tawngtaina hun hmangin hunserh hi tihtawp a ni.

Jubilee pual mei detah hian fimkhurna uluk taka kalpui a ni a, mipui lam atangin tel tur chin bitukte chauh an kal a ni.

KOLASIB VENGLAI BIAL

Kolasib Venglai Bial Committee chu October Ni 10 (Inrinni) khan Bial Pastor Quarter’s ah an thukhawm a,

Kum 2021 a Upa leh Tual Upa thlan tur ah tualchhung tin ten an mamawh zat tur thehluh hun atan nov 15 thleng a hawng a, Bial Committee in a thlir leh ang.

Bial chhunga mamawh leh tul atana hman tur Camera lei thar chu meetingah hian chhawpchhuah a ni a, a hman dan leh enkawl dan turte ruahmanna an siam bawk.

Kum 2021 Bial Inkhawmpui thlengtu atana ruat sa Bukvannei Kohhran ten Biak in an sak that dawn avangin meeting chuan Tumpui Kohhran ah nghat a ni.

October Ni 11 Pathianni khan Bial hruaitu ten Saihapui 'K' Kohhran an tlawh a, Biakin sak thar ah inkhawmna hun hmangin, Bialtu Pastor in nau Pathum Pathian hnenah hlanin, nupa tuakkhat a in neih that tir bawk a ni.

Bial hruaitute hian Saihapui K Kohhran tualchhung Chairman, hun rei tak damlohna in a tlakbuak chu tlawhin, hriak thih tawngtai rawngbawlna an nei a, Bial hmingin tanpuina sum an hlan bawk.